Luka 24:36 - Sră Goh 2018

³⁶ Tòm tŭ bol khai gam đơs ală bơta hơ̆, să tòm Yàng Jesu ntào digùl bol khai mơ đơs lah: “Lơngap lơngai bol mê in.”

Luka 24:36 ပူးပေါင်းရင်းမြစ်များ

Esai 57:18

Añ neh sền gŏ ală gùng dà bol khai dê, mơya Añ rơp sơmbòi bol khai; Añ rơp tề lam bol khai mơ tơm wơl bol khai in mơ bơta pơndòm pơniang, tơnggơs bơta jòng ro di sơndồi ală cau ñìm ƀồc.

Mathiơ 10:13

Dilah hìu hơ̆ di pal, gen bơta lơngap lơngai bol mê dê rơp ơm tòm hìu hơ̆; dilah ò, gen bơta lơngap lơngai bol mê dê gơrê wơl hơ bol mê.

Jơnau Niam Jat Mak 16:14

Tơnơ̆ tai, Yàng Jesu tơlik să mơ jơt dùl nă cau bơtê tòm tŭ bol khai nggui sào, Kơnràñ lah pơrhơng bol khai bơh bơta ò dòn mơ nùs kră kơldang, tài bơh bol khai ò dòn ală cau neh gŏ Kơnràñ tơnơ̆ mơ tŭ Kơnràñ kis wơl.

Luka 10:5

Tòm tŭ bol mê mut tòm hìu lơi, sơnròp ngan đơs tĕ: ‘Lơngap lơngai hìu do in!’

Jang 14:27

Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Jang 20:26

Tòm phàm ngai tơnơ̆, ală cau bơtê Kơnràñ dê ơm bal tòm hìu, gơs Thôma ơm bal sơl; ală mpồng neh til, Yàng Jesu tus ntào digùl bol khai mơ đơs lah: “Lơngap lơngai bol mê in!”

Broă 1:3

Kơnràñ ai oă cơng tàng yal loh ală cau gơnoar bơto dờng in lah Kơnràñ neh kis, tơnơ̆ mơ tŭ neh kong chơt, mơ tơlik să mơ bol khai tòm poan jơt ngai, bơto yal ală bơta bơh lơgar Yàng Tom Trồ.

I Kôrintô 15:5

mơ Kơnràñ neh tơlik să mơ Sepha, tơnơ̆ tơlik să mơ jơt bàr nă cau gơnoar bơto dờng.

I Kôrintô 15:7

Gen Kơnràñ tơlik să mơ Jakơ, lồc behơ̆ tơlik să mơ jơh ală cau gơnoar bơto dờng,

II Tesalônika 3:16

Dan să tòm Yàng la Bơtau ai bơta lơngap lơngai sùm sùm tòm jơh ală bơta. Dan Yàng ơm bal mơ jơh tơl nă oh mi.

Yal Tơlik 1:4

Jang pơyoa poh nơm Hìu Jum Goh in tòm kơnhwàl Asia: Dan oh mi in geh bơta nđàc mơ bơta lơngap lơngai tus bơh Bơtau Gam Gơs, Neh Gơs mơ Rơp Tus; mơ bơh poh Hwềng ơm di đap sơbàn Kơnràñ dê,