Luka 24:25 - Sră Goh 2018

²⁵ Tŭ hơ̆ Yàng Jesu đơs lah: “Ơ cau bơrngơl gơla, gơs nùs òbat dòn jơh ală jơnau cau gơnoar hwơr neh đơs.

Luka 24:25 ပူးပေါင်းရင်းမြစ်များ

Mathiơ 26:24

Kòn Mơnus lòt, jat be jơnau neh cih bơh Khai, mơya bòl glar cau do in la cau pơrlơ̆ dră di Kòn Mơnus! Chan ò deh khai la niam rlau.”

Jơnau Niam Jat Mak 16:14

Tơnơ̆ tai, Yàng Jesu tơlik să mơ jơt dùl nă cau bơtê tòm tŭ bol khai nggui sào, Kơnràñ lah pơrhơng bol khai bơh bơta ò dòn mơ nùs kră kơldang, tài bơh bol khai ò dòn ală cau neh gŏ Kơnràñ tơnơ̆ mơ tŭ Kơnràñ kis wơl.

Jơnau Niam Jat Mak 7:18

Yàng Jesu đơs lah: “Bol mê kung ò gơs bơta git wă rlau sơl ơ? Bol mê òhềt wă lah phan lơi bơh bơdìh mơ mut tòm cau ò rgơi lơh ƀơ̆ ƀơl cau hơ̆ in sơl ơ?

Jơnau Niam Jat Mak 9:19

Yàng Jesu ho lah: “Ơ jơi bơtiàn ò dòn ne, Añ pal ơm mơ bol mê jơl tus di tŭ lơi taih? Añ kong ơt mơ bol mê jơl tus di tŭ lơi taih? Cèng tĕ kòn hơ̆ Añ in hơ do.”

Luka 24:24

Gơs dô êt nă tòm mpồl bol hi tus hơ bơtô ƀồc, gŏ ngan be ală cau ùr hơ̆ neh đơs, ai Kơnràñ gen bol khai ò gŏ.”

Jang 5:39

Bol mê sền sơwì Sră Goh, bơh kơlôi tòm hơ̆ gơs bơta kis gam sùm sùm; hơ̆ la Sră Goh lơh cơng bơh Añ;

I Kôrintô 15:3

Bơta dờng màng sơnròp ngan, añ neh yal ală oh mi in jơnau añ kung neh dòp geh, hơ̆ la Bơtau Krist neh kong chơt bơh glài bol he dê, jat be jơnau Sră Goh;