Luka 23:56 - Sră Goh 2018

⁵⁶ Gen rê wơl, rcang ală sơnơm ƀô mơ mơñà ƀô bơlhu. Di di ngai Saƀat bol khai ơm rlô jat be bơta sồr lam.

Luka 23:56 ပူးပေါင်းရင်းမြစ်များ

II Yal Yau 16:14

Mơ cau tơp khai tòm bơtô mơ khai neh tò să tòm khai in tòm ƀòn dờng Dabit. Cau ơn khai hơđang dô nơm phan tùng ƀồc neh bong tơl ală sơnơm ƀô bơlhu neh bơcă bơh cau chài bơcă mơñà ƀô bơlhu; mơ bol khai sing dô gơnru ồs dờng nàng ñìm ƀồc khai.

Lik Ejiptơ 31:14

Prap gàr tĕ ngai Saƀat, bơh la dô ngai sàng goh bol mê in. Cau lơi ò prap gàr ngai hơ̆ gen pal kong lơh glài tơnchơt; cau lơi lơh dô nơm broă lơi tòm ngai hơ̆ gen rơp kong tă tơlik bơh di làng bol.

Jơnau Niam Jat Mak 16:1

Ngai Saƀat neh rlau rau, Mari Madơlen, Mari mè Jakơ dê, mơ Salôme rwat sơnơm ƀô bơlhu nàng lòt bong ƀồc Yàng Jesu.

Luka 24:1

Ngai sơnròp tòm dô poh tŭ trồ rìng àng, ală cau ùr hơ̆ cèng sơnơm ƀô bơlhu neh rcang sir mơ lòt tus hơ bơtô ƀồc.

Yal Wơl 5:14

mơya ngai poh la ngai Saƀat Jehôwa Yàng Tom Trồ bol mê dê. Tòm ngai hơ̆ bol mê ò di lơh broă lơi, bol mê, kòn klau hala kòn ùr bol mê dê, cau klau duh broă hala cau ùr duh broă bol mê dê, kơnrồ, alàng hala phan poan jơng lơi ndai bol mê dê, hala cau nac crih tòm hìu bol mê dê, nàng cau klau duh broă mơ cau ùr duh broă bol mê dê rgơi ơm rlô kung be bol mê.