Luka 23:4 - Sră Goh 2018

⁴ Gen Pilat đơs mơ ală cau gơnoar dờng lam bồ ơn phan duh khoai mơ mpồl làng bol lah: “Añ ò gŏ cau do gơs glài lơi ò.”

Luka 23:4 ပူးပေါင်းရင်းမြစ်များ

Mathiơ 27:19

Tòm tŭ cau kwang đơng lơgar gam nggui hơđang cơnòng cahrña, bau ùr Pilat sồr cau lòt đơs mơ khai lah: “Mê bañ ƀư di cau song ring hơ̆, bơh khai mơ tòm ngai do añ neh kong bòl glar ngan tòm bơta mpau.”

Jơnau Niam Jat Mak 15:14

Pilat đơs mơ bol khai lah: “Ñchi broă iơh bơsak khai neh lơh taih?” Mơya bol khai sơlo driau dờng rlau tai lah: “Pơng tĕ khai di chi pơng!”

Luka 23:22

Pilat đơs tai tòm dơ̆ pe lah: “Ñchi bơta iơh cau do neh lơh taih? Añ ò gŏ kai lơi cau do pal chơt. Añ rơp pù tơmàl mơ hồ khai lòt.”

Jang 18:38

Pilat lùp lah: “Jơnau song la ñchi taih?” Neh đơs behơ̆ rau, gen Pilat lik wơl tai, lòt tus hơ ală cau kwang cau Juda mơ đơs lah: “Añ ò bàn dô êt lơi glài tòm cau do.

Broă 25:25

Mơya añ neh sơwì nền mơ gŏ khai ò gơs glài lơi pal chơt ò, mơ bơh să tòm khai neh dan cèng tus hơ Sesa, gen tàng añ neh lơh nền nàng bơtào khai Sesa in.

Broă 3:13

Yàng Tom Trồ Abraham, Isak mơ Jakôp dê, Yàng Tom Trồ ồng pàng bol he dê neh lơh gơklŏ Cau Duh Broă Kơnràñ dê la Yàng Jesu, la Bơtau mơ ală oh mi neh bơtào mơ pơndang sang di đap Pilat, tòm tŭ khai neh lơh nền kòñ hồ Kơnràñ.

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

I Pier 1:19

mơya bơh mhàm màng Bơtau Krist dê, kung be mhàm belàt kòn dê ò sồt rmàñ, ò tềl ƀơ̆.

I Pier 2:22

“Kơnràñ ò tìs glài, Tòm bơr Kơnràñ ò gơs bơta lac lèo.”

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.