20 Pilat kòñ hồ Yàng Jesu gen đơs tai mơ làng bol.
Tòm tŭ cau kwang đơng lơgar gam nggui hơđang cơnòng cahrña, bau ùr Pilat sồr cau lòt đơs mơ khai lah: “Mê bañ ƀư di cau song ring hơ̆, bơh khai mơ tòm ngai do añ neh kong bòl glar ngan tòm bơta mpau.”
Pilat kòñ lơh niam nùs mpồl làng bol, gen hồ Baraba bol khai in sồr pù lơh Yàng Jesu, jào Kơnràñ nàng pơng di chi pơng.
Baraba do kòl jàm tài bơh phà kơñau tòm ƀòn dờng mơ tơnchơt cau.
Mơya bol khai hòi driau dờng lah: “Pơng tĕ khai di chi pơng! Pơng tĕ khai di chi pơng!”
Tŭ hơ̆ Pilat jòi bơta nàng hồ Kơnràñ, mơya cau Juda driau dờng lah: “Dilah ồng hồ cau do, gen ồng ò di la dòn song mơ Sesa, bơh kòp nă cau lơi bơtào is să khai gơs bơtau gen hơ̆ la tòmdră mơ Sesa!”
