Luka 22:43 - Sră Goh 2018

⁴³ Gơs dô nă cau gơnrơh bơh trồ tơlik mat mơ bơtơl pràn Kơnràñ in.

Luka 22:43 ပူးပေါင်းရင်းမြစ်များ

Daniel 11:1

Ai pơnah mơ añ, tòm nam sơnròp rài bơtau Darius, cau Medi, añ tus nàng dong kòl khai mơ bơtơl pràn Mikael in.

Mathiơ 26:53

Mê kơlôi lah Añ ò rgơi dan mơ Bèp Añ, gen Kơnràñ sồr mo rlau jơt bàr mpồl cau gơnrơh tus mơ Añ ò ơ?

Mathiơ 4:11

Gen cà ràk lòi Kơnràñ. Ne, gơs ală cau gơnrơh tus duh broă Kơnràñ.

Mathiơ 4:6

mơ đơs lah: “Dilah Kơnràñ la Kòn Yàng Tom Trồ dê, ntruñ tĕ. Bơh gơs jơnau cih lah: ‘Bơh mê Yàng rơp ai gơnoar sồr ală cau gơnrơh Kơnràñ dê, Bol khai rơp đo mê tòm mpàng tê, Rngòt jơng mê gơtup di lŭ mòn.’”

Luka 22:32

Mơya Añ neh hòi dan mê in, tồ bơta dòn mê dê ò gơhuc. Behơ̆ tus di tŭ mê rê wơl hơ Añ, gen lơh tĕ oh mi mê in kơ̆ nùs.”

Broă 14:22

Lơh ală cau bơtê kơ̆ nùs, bơto pơndòm bol khai prap kơ̆ bơta dòn, mơ yal lah bol he pal kong oă bơta bòl glar gen sồng geh mut tòm lơgar Yàng Tom Trồ.

Broă 18:23

Khai ơm tềng hơ̆ dô êt jŏ, lồc behơ̆ lòt làm jơh lơgar Galati mơ lơgar Phriji, lơh jơh ală cau bơtê in kơ̆ nùs.

Yal Wơl 3:28

Mơya ai tĕ jơnau gơnoar sồr Jôsue in, mơ chồl tĕ nùs khai khin cha mơ lơh tĕ khai in pràn kơldang, bơh khai rơp lam làng bol do tiă đah ne mơ lơh bol khai in dòp geh lơgar mơ mê rơp gŏ lơh gơs sre brê.”

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

Hebrơ 1:6

Mơ tai, dơ̆ Kơnràñ jun Kòn tơnhoa tus tòm dunnia, gen đơs lah: “Jơh ală cau gơnrơh Yàng Tom Trồ dê pal duh khoai Kòn.”

Hebrơ 2:17

Gen tàng tòm jơh ală bơta Kơnràñ pal geh gơlik gơs ndròm bal be oh mi Kơnràñ dê, nàng gơwèt mơ Yàng Tom Trồ Kơnràñ gơlik gơs cau gơnoar dờng lam bồ ơn phan duh khoai geh bơta nđàc sơngit mơ dòn song, nàng lơh gơs phan ơn tơwài glài tài bơh tồi glài làng bol dê.