Luka 22:33 - Sră Goh 2018

³³ Chòp Pier đơs lah: “Ơ Yàng, añ neh rcang sir nàng kong jàm kong chơt bal mơ Yàng.”

Luka 22:33 ပူးပေါင်းရင်းမြစ်များ

Jơnau Pơnđik 28:26

Cau lơi dòn kơnòm di nùs he la cau tùl gơla; ai cau lơh lòt dô bă jak chài rơp geh dong klàs.

Jeremi 10:23

Ơ Yàng Jehôwa, añ git gùng dà jơi kòn mơnus dê ò di bơh bol khai lơh tòm, Bol khai ò rgơi lơh nền ală cơnđòa jơng bol khai dê.

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Mathiơ 20:22

Mơya Yàng Jesu ho lah: “Bol mê ò git bơta bol mê dan hơ̆. Bol mê rgơi hùc mơngàn mơ Añ rơp hùc sơl ơ?” Bol khai ho lah: “Bol hi rgơi.”

Jơnau Niam Jat Mak 14:29

Pier đơs lah: “Bulah jơh tơl nă gơtup tìs, mơya Añ gen ò!”

Jơnau Niam Jat Mak 14:31

Mơya Pier đơs tai dô bă nền cê ngan lah: “Bulah añ pal chơt bal mơ Kơnràñ, añ kung ò pơndang sang Kơnràñ sơl.” Jơh tơl nă cau bơtê kung đơs behơ̆ sơl.

Luka 22:34

Kơnràñ đơs lah: “Ơ Pier, Añ đơs mơ mê, ngai do tŭ iar òhềt nrau, gen mê rơp pơndang pe dơ̆ lah ò git Añ.”

Luka 22:57

Mơya Pier pơndang lah: “Ơ cau ùr gen, añ ò git cau hơ̆.”

Jang 13:38

Yàng Jesu ho lah: “Mê rơp bơh Añ mơ phi bơta kis mê dê ơ? Di ngan, di ngan, Añ đơs mơ mê, tŭ iar òhềt nrau, gen mê neh pơndang sang Añ pe dơ̆ rau.”

Broă 21:13

Mơya khai ho lah: “Ñchi oh mi lơh ñìm mơ lơh jê nùs añ behơ̆ taih? Bơh añ gơs nùs rcang sir ò di mìng kong cap lơm mơya kung gơs nùs rcang sir kong chơt tòm Jerusalem tài bơh sơnđan Yàng Jesu.”