Luka 22:26 - Sră Goh 2018

²⁶ Ai đah mơ bol mê, ò di behơ̆ ò; mơya cau lơi dờng rlau tòm bol mê pal gơlik gơs be cau dềt rlau jơh, mơ cau lơi lam bồ pal gơlik gơs be cau duh broă.

Luka 22:26 ပူးပေါင်းရင်းမြစ်များ

Mathiơ 20:26

Mơya tòm bol mê gen ò di behơ̆ ò; gơpơrlơ̆ wơl, cau lơi kòñ gơs dờng, gen pal lơh gơs cau duh broă.

Jơnau Niam Jat Mak 10:43

Mơya tòm bol mê gen ò di behơ̆ ò. Gơpơrlơ̆ wơl, cau lơi tòm bol mê kòñ gơs dờng gen pal lơh gơs cau duh broă.

Jơnau Niam Jat Mak 9:35

Chòp Kơnràñ nggui, hòi jơt bàr nă cau bơtê mơ đơs lah: “Dilah cau lơi kòñ lơh gơs cau lam bồ, gen pal lơh gơs cau lồi dut mơ lơh gơs cau duh broă tơl nă cau in.”

Luka 9:48

mơ đơs mơ bol khai lah: “Dilah cau lơi bơh sơnđan Añ mơ wă rò kòn dềt do, hơ̆ la wă rò Añ; ai cau lơi wă rò Añ hơ̆ la wă rò Bơtau neh sồr Añ lòt tus. Bơh cau lơi dềt rhền rlau jơh digùl bol mê, hơ̆ la cau dờng rlau jơh.”

Rôma 12:2

Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê, gen oh mi rgơi git nùs kòñ Yàng Tom Trồ dê, niam nùs mơ wil tơl Yàng Tom Trồ dê la mbe lơi.

I Pier 5:3

ò di nàng at bồ ală cau neh jào oh mi in, mơya nàng lơh krơh niam mpồl belàt in.

I Pier 5:5

Kung behơ̆ sơl, ơ ală cau kơnòm să, dòn duh tĕ ală cau kwang kra. Jơh tơl nă pal soh tĕ bơta pơndêt să gơwèt bal mơ gơp, bơh Yàng Tom Trồ sòdră di cau pơnhừ să, mơya ai bơta nđàc cau pơndêt să in.