Luka 22:19 - Sră Goh 2018

¹⁹ Chòp Kơnràñ ai piang lă, ưnngài, gen dơrkă, tong bol khai in mơ đơs lah: “Do la să jan Añ, bơh bol mê mơ ai phi. Lơh tĕ bơta do nàng kah wơl Añ.”

Luka 22:19 ပူးပေါင်းရင်းမြစ်များ

Đơs Crih 111:4

Kơnràñ jòi geh bơta prap kah bơh ală broă crih crài Kơnràñ dê, Yàng Jehôwa la kòñ nđàc mơ gơs nùs nđàc sơngit.

Đơs Chò 1:4

Hwài tĕ añ jat mê; bol he ntoat sơrbac sơrbang lă. Cau bơtau neh cèng añ mut tòm ơdŭ khai dê. Bol he rơp hòn chò hừh hơh mơ mê; Bol he rơp jòng ro bơta kòñ gơboh mê dê bơkah rlau mơ tơrnòm. Ală cau ơruh dềt kòñ gơboh mê la song ngan.

Ejekiel 37:11

Gen Kơnràñ đơs mơ añ lah: “Ơ kòn mơnus, ală ntìng do la jơh dô nơm hìu Israel. Bol khai đơs lah: ‘Ntìng bol hi dê neh ro rañ, bơta gơn kơnòm bol hi dê neh roh, bol hi neh kong tơnroh jơh!’

Ejekiel 5:5

Yàng Jehôwa đơs be do: “Do la Jerusalem, Añ neh ơn gơ digùl ală làng bol, bal mơ ală lơgar ơm gùt dar gơ.

Daniel 2:38

Kơnràñ neh jào tòm tê bơtau dê jơi kòn mơnus, ală phan poan jơng tòm brê, mơ ală sềm par hơđang trồ. Bulah bol gơ ơm tiah lơi, Kơnràñ kung neh ai bơtau in at bồ jơh, behơ̆ bơtau la bồ mơ màh.

Mathiơ 14:19

Gen Kơnràñ sồr mpồl làng bol nggui dê ñhơt, ai pram nơm piang lă mơ bàr nơm ka hơ̆, pò mat hơ trồ mơ ai lơngai, gen dơrkă piang lă tong ală cau bơtê in, ală cau bơtê tòmpà mpồl làng bol in.

Mathiơ 15:36

Chòp Kơnràñ ai poh nơm piang lă mơ ka, ưnngài, dơrkă gen tong ală cau bơtê in, ală cau bơtê tòmpà mpồl làng bol in.

Luka 22:17

Chòp Kơnràñ ai mơngàn, ưnngài gen đơs lah: “Ai tĕ mơngàn do tòmpà bal mơ gơp.

Luka 22:20

Kung behơ̆ sơl, tơnơ̆ mơ tŭ sa mho, Kơnràñ ai mơngàn mơ đơs lah: “Mơngàn do la bơta ho bal pa tòm mhàm Añ, hơ̆ la mhàm tài bơh bol mê mơ hòr lik.

Luka 24:30

Tòm tŭ Kơnràñ nggui di cơnòng sa bal mơ bol khai, gen Kơnràñ ai piang lă, ai lơngai, dơrkă mơ tong bol khai in.

Jang 6:23

Mơya gơs ală ơhò ndai bơh Tiberias lòt tus rềp di tiah bol khai neh sa piang lă tòm tŭ Yàng Jesu neh ưnngài rau.

Jang 6:51

Añ la piang lă kis bơh đang trồ mù, dilah cau lơi sa piang lă hơ̆, gen rơp kis gam sùm sùm, mơ piang lă Añ rơp ai, tài bơh bơta kis dunnia dê, hơ̆ la poac Añ.”

I Kôrintô 10:16

Mơngàn mơ bol he ngui tòm tŭ Sa Kah Yàng mơ bơh hơ̆ bol he neh ưnngài Yàng Tom Trồ: tòm tŭ bol he hùc, bol he gơs pơnah tòm mhàm Bơtau Krist. Mơ piang lă bol he dơrkă, tòm tŭ bol he sa, bol he geh pơnah tòm să jan Bơtau Krist.

I Kôrintô 10:4

mơ hùc bal dô nơm phan hùc đah hwềng, bơh bol khai hùc bơh dô nơm pơnai lŭ đah hwềng lòt jat bol khai, pơnai lŭ hơ̆ la Bơtau Krist.

Galati 1:4

la Bơtau neh phi să bơh tồi glài bol he dê, nàng dong tă bol he klàs bơh rài iơh do, jat be nùs kòñ Yàng Tom Trồ la Bèp bol he dê.

Galati 4:25

Agar hơ̆ la mơnơm Sinai tòm lơgar Arabi, kung ò gơkrơi be Jerusalem tòm tŭ do, ƀòn hơ̆ bal mơ kòn sau gơ dê lơh gơs dĭ gơna.

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

I Tesalônika 5:18

Bulah tòm broă lơi kung pal ưnngài Yàng Tom Trồ, bơh nùs kòñ Yàng Tom Trồ dê tòm Yàng Krist Jesu gơwèt mơ oh mi la behơ̆.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.