Luka 21:6 - Sră Goh 2018

⁶ “Ală bơta bol mê gŏ tŭ do, tòm ală ngai rơp tus rơp ò gơs pơnai lŭ lơi ơm hơđang pơnai lŭ ndai mơ ò gơtơrlơm.”

Luka 21:6 ပူးပေါင်းရင်းမြစ်များ

Jeremi 26:18

“Mice ơm tòm Môreset, la cau đơs hwơr bơh rài Ejekia, bơtau Juda, neh đơs mơ jơh làng bol Juda lah: Yàng Jehôwa Gơnap Gơnoar đơs be do: ‘Siôn rơp kong troă kung be sre, Jerusalem rơp gơlik gơs kung be gơnru lŭ, Mơnơm Hìu duh khoai rơp gơlik gơs tiah brê dơr.’

Jeremi 26:6

gen Añ rơp lơh hìu do gơlik gơs kung be Silô, mơ rơp lơh ƀòn do gơlik gơs bơta srat rma jơh ală lơgar hơđang plai ù in.’”

Jeremi 26:9

Ñchi bơh tài mê ai sơnđan Yàng Jehôwa mơ đơs hwơr lah: ‘Hìu do rơp gơlik gơs kung be Silô, ƀòn dờng do rơp lòi srau mơ ò gơs cau ơm taih’?” Tŭ hơ̆ jơh làng bol gơrwàng gùt dar Jeremi tòm hìu Yàng Jehôwa.

Ñìm Rac 4:1

Mbe lơi màh gơlik lu li, mbe lơi màh ngan neh gơtòmgơl! Ală pơnai lŭ sàng goh ơm nrah nring tòm ală bơr gùng!

Ñìm Rac 5:18

Tài bơh mơnơm Siôn neh gơlik gơs tiah ngềt ngơt, so rhau lòt kơp mòc hơđang hơ̆.

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Sacari 11:1

Ơ Liban, pò tĕ ală mpồng mê dê, tồ ồs sa roh ală chi nho rề mê dê!

Sacari 14:2

Añ rơp pơjum tơrgòm jơh ală lơgar tòm Jerusalem nàng tòmlơh mơ gơ, ƀòn dờng rơp kong tòmpìt, ală hìu rơp kong phà kơñau, cau ùr rơp kong cau bic bơklơn. Nggùl ƀòn dờng rơp kong kup cèng gơs dĭ; mơya làng bol gam wơl rơp ò kòl tă tơlik bơh di ƀòn dờng.

Mathiơ 24:2

Kơnràñ đơs lah: “Bol mê gŏ jơh ală bơta hơ̆ sơl? Di ngan Añ đơs mơ bol mê, rơp ò gơs pơnai lŭ lơi ơm hơđang pơnai lŭ ndai tòm tiah do mơ ò gơtìp tơrlơm.”

Jơnau Niam Jat Mak 13:2

Yàng Jesu ho lah: “Mê gŏ ală hìu dờng do ơ? Rơp ò gơs pơnai lŭ lơi ơm hơđang pơnai lŭ ndai mơ ò gơtơrlơm.”

Luka 21:7

Bol khai lùp Kơnràñ lah: “Ơ Cau Bơto, tŭ lơi rơp gơlik gơs ală bơta hơ̆, mơ dơ̆ ală bơta hơ̆ mòr gơlik tus gen gơs tềl krơi lơi taih?”