Luka 21:26 - Sră Goh 2018

²⁶ Cau gơdô nùs tài bơh rngòt rngơt tòm tŭ gơn sền ală bơta rơp gơlik gơs tòm làm jơh dunnia, bơh gơnap gơnoar ală tap trồ dê gơlơnggơr.

Luka 21:26 ပူးပေါင်းရင်းမြစ်များ

Esai 5:30

Tòm ngai hơ̆, bol khai rơp driau dờng tòmdră mơ gơ ò gơkrơi be nggồr dàlềng. Mơ dilah gơs cau sền tòm lơgar, mìng gŏ klam jơngo mơ bòl glar; bulah bơta àng kung rơp gơlik jơngo bơh ală puk mhwal.

Lebi 26:36

Ai đah pơnah ală cau sò tơm bol mê gam kis, Añ rơp lơh nùs bol khai in rngòt rngơt tòm lơgar ală cau sò tơm di bol khai, tian gơs ntas càl khồm nha chi kung lơh bol khai in ntoat dô. Bol khai rơp ntoat kung be ntoat dô bơh di đào ting jat, mơ bol khai rơp gơpừ bulah ò gơs cau ting jat bol khai.

Mathiơ 24:29

“Tơnơ̆ mơ ală ngai rung rài, gen tŭ hơ̆ mo mattơngai gơlik klam jơngo, kơnhai ò àng tai, ală sơmañ bơh đang trồ dùh, mơ ală gơnoar trồ gơlơnggơr.

Jơnau Niam Jat Mak 13:25

ală sơmañ dùh bơh đang trồ, mơ ală gơnoar tap trồ dê gơlơnggơr.

Luka 21:25

Rơp gơs ală tềl krơi tòm mattơngai, kơnhai mơ ală sơmañ; ai tòm ù gen ală làng bol jê sồt bòl glar, ò git mbe kòñ lơh bơh dàlềng mơ ryà gơ nggồr ur ur.

Luka 21:27

Tòm tŭ hơ̆, cau rơp gŏ Kòn Mơnus ai gơnap gơnoar dờng mơ bơta gơklŏ ryŭ ryơm ơm tòm mhwal mơ tus.