Luka 21:25 - Sră Goh 2018

²⁵ Rơp gơs ală tềl krơi tòm mattơngai, kơnhai mơ ală sơmañ; ai tòm ù gen ală làng bol jê sồt bòl glar, ò git mbe kòñ lơh bơh dàlềng mơ ryà gơ nggồr ur ur.

Luka 21:25 ပူးပေါင်းရင်းမြစ်များ

Đơs Crih 46:3

Bulah dàlềng nggồr ur ur mơ gơlik kơmbuh, Bulah ală mơnơm gơlơnggơr tài bơh bơta gơtơngguh ryà dà dê. (Selah)

Esai 13:10

Ală sơmañ hơđang trồ bal mơ ală mpồl gơ dê rơp ò pơnđàng bơta àng gơ tai. Mattơngai pa lik rơp klam jơngo, mơ mat kơnhai rơp ò pơnđàng sòl.

Esai 17:12

Ơ hơh! Ală làng bol gal lơh nggồr nggàc ngan, gơ ntơr kung be dàlềng nggồr! Ơ hơh! Ală lơgar driau dờng nggồr nggàc ngan, bol khai driau nggà kung be ală dà hòr pràn!

Esai 24:23

Mat kơnhai rơp ƀàssìl, mattơngai rơp ƀàssìl; bơh Yàng Jehôwa Gơnap Gơnoar Dờng rơp at bồ hơđang mơnơm Siôn mơ hơđang Jerusalem, Kơnràñ rơp ràng tơlik bơta gơklŏ Kơnràñ dê di đap ală kwang kra Kơnràñ dê.

Esai 5:30

Tòm ngai hơ̆, bol khai rơp driau dờng tòmdră mơ gơ ò gơkrơi be nggồr dàlềng. Mơ dilah gơs cau sền tòm lơgar, mìng gŏ klam jơngo mơ bòl glar; bulah bơta àng kung rơp gơlik jơngo bơh ală puk mhwal.

Esai 51:15

Bơh Añ la Jehôwa Yàng Tom Trồ bol mê dê, la Bơtau lơnggac dàlềng lơh ryà dà gơ dê nggồr ur ur, Yàng Jehôwa Gơnap Gơnoar Dờng la sơnđan Kơnràñ dê.

Jeremi 4:23

Añ sền di ù tiah, ne, gơ la roh lơm mơ brong gòi; mơ sền hơ ală tap trồ, gen ò gơs bơta àng.

Daniel 12:1

“Tòm tŭ tơngai hơ̆, Mikael la cau gơnrơh dờng, cau sền gàr làng bol mê dê rơp guh. Rơp gơs dô tŭ tơngai jê sồt bòl glar tian gơs bơh tŭ pa bơtào gơs ală lơgar tus di tŭ tơngai hơ̆ kung ò gơs tŭ lơi gơs behơ̆. Mơya tòm tŭ hơ̆, làng bol mê dê cau lơi geh cih sơnđan mat tòm sră gen rơp geh dong klàs.

Mice 7:4

Cau niam rlau jơh tòm bol khai la kung be lò mrơt, cau song ring rlau jơh la iơh rlau mơ pơnggàr lò. Ngai ală cau kơp gàr bol khai dê, hơ̆ la ngai bơta lơh glài bol khai dê neh tus rau. Tŭ do bơta sơlồng sơlàng bol khai dê neh tus rềp rau.

Mathiơ 24:29

“Tơnơ̆ mơ ală ngai rung rài, gen tŭ hơ̆ mo mattơngai gơlik klam jơngo, kơnhai ò àng tai, ală sơmañ bơh đang trồ dùh, mơ ală gơnoar trồ gơlơnggơr.

Mathiơ 27:45

Bơh jơt bàr jơ gùl ngai gơlik klam jơngo làm ù jơl tus di pe jơ mho

Jơnau Niam Jat Mak 13:24

“Tòm ală ngai hơ̆, tơnơ̆ mơ ală bơta rung rài, mattơngai rơp gơlik klam jơngo, kơnhai ò àng tai,

Jơnau Niam Jat Mak 13:26

Tòm tŭ hơ̆ cau rơp gŏ Kòn Mơnus ai gơnap gơnoar dờng mơ bơta gơklŏ, ơm tòm mhwal mơ tus.

Jơnau Niam Jat Mak 15:33

Bơh di jơt bàr jơ gùl ngai gơlik klam jơngo làm ù jơl tus di pe jơ mho.

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

Luka 21:26

Cau gơdô nùs tài bơh rngòt rngơt tòm tŭ gơn sền ală bơta rơp gơlik gơs tòm làm jơh dunnia, bơh gơnap gơnoar ală tap trồ dê gơlơnggơr.

Broă 2:19

Mơ tai, Añ rơp tơlik bơta krơi hơđang trồ, Mơ tềl is tòm ù; hơ̆ la mhàm, ồs mơ ñhŭ;

Yal Tơlik 20:11

Chòp añ gŏ dô nơm sơbàn dờng mơ bò bal mơ Bơtau nggui hơđang sơbàn; trồ tiah dô jơh bơh di đap Kơnràñ, ò gơs tiah lơi bol gơ in tai.