Luka 21:19 - Sră Goh 2018

¹⁹ Kơnòm di bơta kơ̆ nùs bol mê dê mơ bol mê geh sròng hwềng soàn he dê.

Luka 21:19 ပူးပေါင်းရင်းမြစ်များ

Đơs Crih 37:7

Ơm tĕ ring lơngai di đap Yàng Jehôwa, mơ kơ̆ tĕ nùs kơp gơn Kơnràñ; Bañ gơs nùs sơềt sơềl tài bơh cau geh bơtoah bơtoài tòm gùng dà khai dê, La cau lơh gơlik gơs ală kai gơrmơ̆i iơh khai dê.

Đơs Crih 40:1

Añ kơ̆ nùs kơp gơn Yàng Jehôwa; Kơnràñ wèt sền mơ iat jơnau rac dan añ jê.

Habakuk 3:16

Añ kơno mơ añ rơm să tòm añ, Kơno ntas gen sơndồi añ gơ mprơm; Bơta ồm lề gơmut tòm ntìng añ, mơ jơng añ gơrơm hơđơm añ. Behơ̆ añ rơp kơ̆ nùs kơp gơn ngai bơta rung rài la ngai gơ rơp tus hơđang lơgar brồ lơh bol hi.

Mathiơ 10:22

Bol mê rơp gơkòl jơh ală cau gơjrañ kơuềng tài bơh sơnđan Añ. Mơya cau lơi kơ̆ nùs jơl tus di lồi dut, gen rơp geh dong klàs.

Mathiơ 24:13

Mơya cau lơi kơ̆ nùs jơl tus di lồi dut gen rơp geh dong klàs.

Luka 8:15

Ai gar sơntìl ơm di ù niam la ală cau kơno jơnau Yàng, gen ai nùs song mơ lơbơn niam nàng prap gàr, ơt ơl mơ gơlik plai.

Rôma 15:4

Bơh ală bơta neh cih bơh yau la cih nàng bơto sồr bol he, tồ bơh bơta kơ̆ nền mơ bơta chồl pơndòm Sră Goh dê mơ bol he geh bơta gơn kơnòm.

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

Rôma 5:3

Ò di mìng behơ̆ lơm ò, mơya bol he kung jòng să tòm bơta jê sồt bòl glar sơl, bơh git lah bơta jê sồt bòl glar tơnggơs bơta kơ̆ nùs,

Rôma 5:4

bơta kơ̆ nùs tơnggơs nùs nhơm niam, nùs nhơm niam tơnggơs bơta gơn kơnòm.

Rôma 8:25

Mơya dilah bol he gơn kơnòm bơta he òhềt gŏ, gen sồng bol he ai nùs ơt ơl mơ kơp gơn bơta hơ̆.

I Tesalônika 1:3

bơh di đap Yàng Tom Trồ la Bèp bol he dê, bol hi kah sùm bơh tơngai broă bơta dòn dê, bơta kong bòl glar lơh broă nùs kòñ gơboh dê, mơ ntào kơ̆ tòm bơta gơn kơnòm oh mi dê tòm Yàng Jesu Krist bol he dê.

II Tesalônika 3:5

Dan Yàng tề lam nùs oh mi dê tus hơ bơta kòñ gơboh Yàng Tom Trồ dê mơ bơta ơt ơl Bơtau Krist dê.

Hebrơ 10:36

Bơh oh mi pal kong jai, nàng tus di tŭ neh lơh wil tơl nùs kòñ Yàng Tom Trồ dê rau, gen rơp dòp geh bơta neh ho pơgon.

Hebrơ 6:11

Bol he kơp kòñ lah, kòp nă tòm oh mi yal tơlik bơta jơh nùs ngac ngar behơ̆ sùm, nàng geh bơta kơ̆ nền wil tơl tòm bơta gơn kơnòm jơl tus di lồi dut,

Hebrơ 6:15

Behơ̆, Abraham neh kong ơt kơp gơn jŏ jòng, gen tàng khai dòp geh jơnau Yàng Tom Trồ neh ho pơgon.

Jakơ 1:3

bơh git lah bơta lòng bơta dòn oh mi dê gơlik gơs bơta kơ̆ nùs.

Jakơ 1:4

Mơ bơta kơ̆ nùs pal gơlik cồng nha wil tơl tồ oh mi in geh dờng wil tơl, ò siơ̆u dô bơta lơi.

II Pier 1:6

bơtơl bơta git kơrhia hơđang bơta git jak, bơtơl bơta ơt ơl hơđang bơta git kơrhia, bơtơl bơta duh rngòt hơđang bơta ơt ơl,

Yal Tơlik 1:9

Añ la Jang, la bi oh mi dê, gơs pơnah bal mơ oh mi tòm bơta rung rài, lơgar Yàng Tom Trồ, mơ tòm bơta kong ơt tòm Yàng Jesu. Añ neh ơm tòm bồt pơlào sơnđan la Patmôs, tài bơh jơnau Yàng Tom Trồ mơ jơnau lơh cơng bơh Yàng Jesu.

Yal Tơlik 13:10

Dilah neh lơh nền cau lơi pal kòl kup cèng, gen cau hơ̆ rơp kong kup cèng; dilah cau lơi pal kong chơt mơ đào, gen khai pal kong sreh chơt mơ đào sơl. Do la bơta kong ơt mơ bơta dòn ală cau sàng goh dê.

Yal Tơlik 14:12

Tài bơh hơ̆ tàng ală cau sàng goh pal gơs bơta kong ơt, la ală cau prap gàr ală bơta sồr lam Yàng Tom Trồ dê mơ bơta dòn di Yàng Jesu.

Yal Tơlik 3:10

Tài bơh mê neh prap gar jơnau Añ jê mơ ntào kơ̆, gen Añ kung rơp sền gàr mê tòm jơ gơlòng bòl glar, la jơ rơp gơlik tus làm jơh dunnia nàng lòng ală cau ơm tòm plai ù.