Luka 21:15 - Sră Goh 2018

¹⁵ Bơh Añ rơp ai bol mê in jơnau đơs mơ bơta jak chài mơ ală cau sò tơm di bol mê ò rgơi tòmdră hala đơs tơrwơl.

Luka 21:15 ပူးပေါင်းရင်းမြစ်များ

Jơnau Pơnđik 2:6

Bơh Yàng Jehôwa ai gòi bơta jak chài. Bơh di bơr Kơnràñ tus bơta git jak mơ bơta git wă.

Jeremi 1:9

Gen, Yàng Jehôwa pò tê ƀư di bơr añ, Yàng Jehôwa đơs tai mơ añ lah: “Do, Añ rơp ơn ală jơnau Añ tòm bơr mê.

Ejekiel 29:21

Tòm ngai hơ̆, Añ rơp lơh hòn dô nơm ngke bơh hìu Israel, mơ Añ rơp pò lơmpiat mê digùl bol khai. Gen bol khai rơp git Añ la Yàng Jehôwa.”

Luka 12:12

tài bơh di di jơ hơ̆ Yàng Hwềng Goh rơp bơto bol mê jơnau bol mê pal đơs.”

Luka 21:16

Bol mê kung rơp gơkòl mè bèp, oh mi, jơi bơtiàn, gơp bơyô pơrlơ̆ dră; bol khai rơp tơnchơt cau ƀà tòm mpồl bol mê.

Luka 24:45

Gen Kơnràñ pò dơngoh kơlôi bol khai dê nàng git wă Sră Goh,

Broă 2:4

Jơh tơl nă geh bềng lìu Yàng Hwềng Goh, rơp sơntòm đơs ală jơnau đơs lơgar ndai, jat be Yàng Hwềng ai bol khai in đơs.

Broă 24:25

Mơya tòm tŭ Pol bơto bơyai bơh bơta song ring, bơta git kơrhia mơ bơta cahrña rài tơnơ̆, gen Phelik rơm să rngòt, mơ đơs lah: “Tŭ do mê lòi ing, gơn tŭ lơi añ ru gen añ rơp hòi wơl mê.”

Broă 26:28

Bơtau Agrippa đơs mơ Pol lah: “Mê bơto pơndòm dô êt hơ̆ mơ tồnlah lơh añ in gơlik Cau Krist dê ơ?”

Broă 6:10

Mơya bol hơ̆ ò rgơi tòmdră mơ bơta jak chài khai dê bal mơ Yàng Hwềng Goh sơl la Bơtau ai khai in ală jơnau đơs hơ̆,

Ephesô 6:19

Kung hòi dan tĕ añ in, nàng añ in gơs bơta chài đơs, khin cha pò bơr nàng yal tơlik bơta ndơp ndơr Jơnau Niam dê.

Jakơ 1:5

Dilah tòm oh mi gơs cau lơi siơ̆u bơta jak chài, dan tĕ mơ Yàng Tom Trồ, gen Kơnràñ rơp ai, bơh Yàng Tom Trồ la Bơtau ai gòi tơl nă cau in dô bă ơnàng, ò lah pơrhơng cau lơi.