Luka 20:47 - Sră Goh 2018

⁴⁷ Bol khai lơh bơthĭ hòi dan jòng jơnau, mơya sa loan hìu ală cau ùr bơnrau dê. Bol khai rơp kong cahrña mơ lơh nền glài kơnjơ̆ rlau tai.”

Luka 20:47 ပူးပေါင်းရင်းမြစ်များ

Esai 10:2

tă tơlik gơnoar cau siơ̆u siar bơh bơta song ring, mơ tòmpìt bơta song ring bơh ală cau rƀah tòm làng bol Añ jê, ai ală cau ùr bơnrau lơh gơs phan ơn pơndòm, mơ cau kòn đòi lơh be phan tòmpìt geh.

Ejekiel 22:7

Digùl ai, cau neh sền òsơp di mè bèp, digùl ai cau neh rồn bơklơn cau lơgar ndai; digùl ai cau gơwèt ò niam mơ cau kòn đòi bal mơ cau ùr bơnrau.

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Amôs 2:7

Bol khai jă jơng hơđang bồ cau rƀah lơòi tus di thul tòm ù, mơ chồl tơlo cau gơkòl jê sồt bơh di gùng song ring. Bèp mơ kòn bic mơ mìng dô nă cau ơruh, behơ̆ gen sơnđan sàng goh Añ jê neh gơkòl đơs tràl sơrbil.

Mice 2:2

Bol khai hàm kòñ ală ƀlàng sre mơ tòmpìt gơ, hàm hà hìu đam mơ tă sơmbrơt gơ. Bol khai rồn bơklơn cau tòm hìu mơ hìu; la cau mơ sre brê bol khai dê.

Mice 2:8

Mơya bol mê guh tòmdră mơ làng bol Añ jê kung be dô nă cau sò tơm. Bol mê hồ ào jrùh bơh di ală cau ơm ring lơngai, bơh di ală cau lòt gùng dòn kơnòm mơ ò kơlôi bơh bơta kơlìn.

Mice 3:2

Bol mê gơjrañ kơuềng di bơta niam mơ kòñ gơboh di bơta iơh; bol mê la cau crè gơltau làng bol Añ jê, la cau tah poac bơh di ntìng bol khai dê;

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Mathiơ 23:14

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê lơh bơthĭ hòi dan jòng jơnau mơ sa loan hìu ală cau ùr bơnrau dê; tài bơh hơ̆ bol mê rơp gơkòl lơh nền glài kơnjơ̆ rlau.]

Jơnau Niam Jat Mak 12:40

pìt mơ sa loan hìu ală cau ùr bơnrau dê, mơ lơh bơthĭ hòi dan jòng jơnau. Bol khai rơp gơkòl lơh nền glài kơnjơ̆ rlau tai.”

Luka 12:1

Tòm tŭ hơ̆ mpồl làng bol pơjum bal oă, rbô rhiang nă cau, tian gơs bol khai jă jơlềt bal mơ gơp, gen sơnròp ngan Yàng Jesu sơntòm đơs mơ ală cau bơtê lah: “Kơrhia tĕ bơh kañ cau Pharisi dê, la bơta ma blac.

Luka 20:46

“Kơrhia tĕ di ală cau bơto bơta boh lam, la cau kòñ soh ào jrùh mơ lòt yơng, kòñ gơs cau lùp niam să tòm gùl drà, kòñ nggui cơnòng hơđap tòm hìu jum mơ nggui tiah bồ tòm bơta ñô sa.

Luka 21:1

Yàng Jesu pò mat, gŏ ală cau pas ơn phan tòm đam jàr,

I Tesalônika 2:5

Bơh oh mi neh git, bol hi ò tŭ lơi ai ală jơnau rơmhòc, kung ò di ai kai tồ jơm ndơp bơta hàm hà; gơs Yàng Tom Trồ lơh cơng bol hi in.

Sră Pơyoa Pol Dê Pơyoa Tit In 1:16

Bol khai đơs lah bol khai git Yàng Tom Trồ, mơya ală broă lơh bol khai dê la pơndang sang Kơnràñ; cau cù kìr di bol khai, bol khai la cau ò dòn bơr mơ ò rgơi lơh dô nơm broă niam lơi.

Jakơ 3:1

Ơ oh mi añ jê, tòm oh mi bañ gơs oă cau lơh gơs cau bơto, bơh git lah bol he la cau bơto gen rơp kong cahrña dô bă kràñ cê rlau tai.