Luka 20:37 - Sră Goh 2018

³⁷ Tòm tiah cih bơh rlau lò ồs sa, Môise neh yal tơlik lah ală cau chơt geh kis wơl, tài bơh khai neh hòi Yàng la Yàng Tom Trồ Abraham dê, Yàng Tom Trồ Isak dê, Yàng Tom Trồ Jakôp dê.

Luka 20:37 ပူးပေါင်းရင်းမြစ်များ

Sơnròp Gơlik Gơs 17:7

Añ rơp lơh bơta ho bal digùl Añ mơ mê, mơ jơi bơtiàn mê tòm ală rài bol khai dê, do la dô bơta ho bal kòp rài gam sùm sùm, tồ Añ lơh gơs Yàng Tom Trồ mê mơ jơi bơtiàn mê dê sơl.

Sơnròp Gơlik Gơs 28:13

Do, Yàng Jehôwa ntào di bồ ntùng mơ đơs lah: “Añ la Jehôwa Yàng Tom Trồ Abraham ồng mê dê mơ la Yàng Tom Trồ Isak dê. Añ rơp ai mê mơ jơi bơtiàn mê in ù mê bic do.

Sơnròp Gơlik Gơs 28:21

mơ dilah añ rê wơl lơngap lơngai tus hơ hìu bèp añ, gen Yàng Jehôwa rơp la Yàng Tom Trồ añ jê.

Sơnròp Gơlik Gơs 32:9

Gen Jakôp hòi dan lah: “Ơ Yàng Tom Trồ Abraham ồng añ jê, Yàng Tom Trồ Isak bèp añ jê, Ơ Jehôwa! Kơnràñ neh đơs mơ añ lah: ‘Rê tĕ hơ lơgar mê, hìu nhă mê dê, gen Añ rơp ai bơta lơngai mê in.’

Lik Ejiptơ 3:15

Yàng Tom Trồ kung đơs tai mơ Môise lah: “Mê đơs tĕ mơ làng bol Israel: ‘Yàng Jehôwa la Yàng Tom Trồ ồng pàng bol mê dê, Yàng Tom Trồ Abraham dê, Yàng Tom Trồ Isak dê, Yàng Tom Trồ Jakôp dê, neh sồr añ lòt tus hơ bol mê.’ Hơ̆ la sơnđan gam sùm sùm Añ jê, la sơnđan pal kah bơh Añ bơh rài do tus rài ne.”

Yal Wơl 33:16

bơh ală phan pà niam rlau jơh plai ù dê mơ bơta bềng lìu gơ dê, mơ bơta nđàc bơtau ơm tòm hơđang Sinai. Lòi tĕ jơh ală bơta do ơm hơđang bồ Jôsep, mơ hơđang bìng liang cau at bồ digùl ală oh mi khai dê.