Luka 20:25 - Sră Goh 2018

²⁵ Chòp Kơnràñ đơs mơ bol khai lah: “Behơ̆ tơm wơl tĕ Sesa in phan lơi Sesa dê, mơ tơm wơl tĕ Yàng Tom Trồ in phan lơi Yàng Tom Trồ dê.”

Luka 20:25 ပူးပေါင်းရင်းမြစ်များ

Jơnau Pơnđik 24:21

Ơ kòn, duh rngòt tĕ Yàng Jehôwa mơ ki ngàm cau bơtau; bañ tòmklac bal mơ cau pơrlơ̆ dră;

Mathiơ 17:27

Mơya tồ bol he ò lơh kai gơtup tìs bol khai in, gen lòt tĕ đàr ka tòm dàlềng, kup ka lơi mê geh lài. Mê tè bơr gơ gen rơp gŏ dô đong priă, ai tĕ mơ boh dia Añ mơ mê in.”

Mathiơ 22:21

Bol khai ho lah: “Sesa dê.” Gen Kơnràñ đơs mơ bol khai lah: “Behơ̆ tơm wơl tĕ Sesa in phan lơi Sesa dê, mơ tơm wơl tĕ Yàng Tom Trồ in phan lơi Yàng Tom Trồ dê.”

Jơnau Niam Jat Mak 12:17

Yàng Jesu đơs lah: “Tơm wơl tĕ bơtau in phan lơi bơtau dê, mơ tơm wơl tĕ Yàng Tom Trồ in phan lơi Yàng Tom Trồ dê.” Bol khai ai lơh krơi ngan bơh Yàng Jesu.

Luka 20:24

“Ai tĕ dô dơnie Añ in sền. Rùp mơ sơnđan do la ñcau dê taih?” Bol hơ̆ ho lah: “Sesa dê.”

Broă 5:29

Pier bal mơ ală cau gơnoar bơto dờng ho wơl lah: “Chan bol hi pal lơh jat jơnau Yàng Tom Trồ dê rlau mơ lơh jat jơnau cau dê.

I Kôrintô 10:31

Behơ̆ dilah oh mi sa, hala hùc, hala broă lơi oh mi lơh, gen bơh bơta gơklŏ Yàng Tom Trồ dê mơ lơh tĕ jơh ală bơta.

I Pier 4:11

Dilah gơs cau lơi bơto, gen bơto tĕ be bơto yal jơnau Yàng Tom Trồ dê; dilah gơs cau lơi duh broă, gen duh tĕ broă kơnòm di pràn Yàng Tom Trồ ai, nàng Yàng Tom Trồ geh àng sơnđan tòm jơh ală bơta kơnòm di Yàng Jesu Krist. Dan bơta gơklŏ mơ gơnap gơnoar gơrê bal mơ Kơnràñ sùm sùm ò lồi. Amen.