Luka 20:20 - Sră Goh 2018

²⁰ Bol khai kơp sền Kơnràñ, loă sồr cau sền òm lơh blac be cau song, tồ kup Kơnràñ tòm jơnau đơs, nàng bơtào Kơnràñ tòm tê kwang bàng mơ cau kwang đơng lơgar.

Luka 20:20 ပူးပေါင်းရင်းမြစ်များ

II Samuel 14:2

Behơ̆ Jôap sồr cau lòt hơ Tekôa mơ jà dô nă cau ùr jak chài tus. Khai đơs mơ cau ùr hơ̆ lah: “Ai lơh tànggơ tĕ kung be cau moat ƀồc. Soh tĕ ồi ào cau moat ƀồc, bañ bong mơñà di bồ ai. Lơh kung be dô nă cau ùr neh jŏ ngai ơm moat ƀồc.

Đơs Crih 38:12

Ală cau jòi bơta nàng lơh iơh di añ, bol khai đơs bơh bơta roh rui; Jơh ngai mho bol khai mìng kơlôi bơh bơta blac pơrlồm lơm.

Đơs Crih 66:3

Đơs tĕ mơ Yàng Tom Trồ lah: “Ală broă lơh Kơnràñ dê cau pal rngòt ngan! Tài bơh gơnap gơnoar Kơnràñ dê dờng ngan, tian gơs ală cau sò tơm di Kơnràñ rngòt rơm să di đap Kơnràñ,

Đơs Crih 81:15

Ală cau gơjrañ kơuềng di Yàng Jehôwa rơp rngòt rơm să di Kơnràñ, Mơ bơta lơh glài bol khai rơp gam sùm sùm.

Jeremi 11:19

Ai añ, kung be belàt kòn lơbơn niam Kong tề tus hơ tiah tơnchơt, Mơ añ ò git bol khai bơtào kai tòmdră mơ añ, mơ lah: “Bol he tơnroh tĕ chi bal mơ plai, Bol he pơndut tĕ khai bơh lơgar cau kis, Tồ sơnđan khai rơp ò gam kah tai.”

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 20:10

Bơh añ neh kơno ală jơnau đơs chều oă cau dê, Kìr rngòt kòp bă tiah! “Yă tĕ khai! Bol he yă tĕ khai!” Ală cau bơyô dềt mềr añ jê kơp kòñ añ gơtup pừ, bol khai đơs lah: “Digơlan khai rơp gơkòl pơrlồm, gen bol he rơp pha lin rlau mơ khai, Mơ sal tê di khai.”

Daniel 6:4

Behơ̆ bàr nă cau kwang đơng lơgar bal mơ ală cau kwang at bồ kơnhwàl lơgar ne jòi kai yă Daniel bơh broă at bồ lơgar; mơya bol khai ò rgơi jòi bàn dô bơta tìs lơi di khai, tài bơh khai la cau di pal dòn kơnòm, ò sa kwì sa kwà, mơ ò tŭ lơi lơh tìs.

Mathiơ 27:2

Bol khai cap Kơnràñ, mơ cèng jào di đap Pilat, la kwang đơng lơgar.

Jơnau Niam Jat Mak 3:2

Bol khai kơp sền Kơnràñ sơmbòi cau hơ̆ tòm ngai Saƀat hala ò, nàng yă Kơnràñ.

Luka 11:54

mơ kơp nàng kup jơnau đơs lik bơh di bơr Kơnràñ.

Luka 20:21

Bol hơ̆ lùp Kơnràñ lah: “Ơ Cau Bơto, bol hi git ồng đơs mơ bơto song lơm, ò rngòt di cau lơi, mơya bơto gùng Yàng Tom Trồ dê dô bă song ngan.

Luka 20:26

Di đap làng bol, bol khai ò rgơi kup Kơnràñ tòm dô jơnau đơs lơi. Bol khai ai lơh krơi bơh jơnau ho Kơnràñ dê, gen ơm mŏ mŏ be cau kloat.

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.