Luka 2:37 - Sră Goh 2018

³⁷ mơ do neh ơm bơnrau phàm jơt poan nam rau. Mò ò gơs tŭ lơi lik bơh di hìu duh khoai, ngai mơ mang kư̆ duh broă Yàng, ơt sào mơ hòi dan.

Luka 2:37 ပူးပေါင်းရင်းမြစ်များ

Đơs Crih 22:2

Ơ Yàng Tom Trồ añ jê, añ hòi dan tòm trồ ngai mơya Kơnràñ ò ho wơl, tòm trồ mang kung behơ̆ sơl, mơya añ ò geh rlô bòl.

Đơs Crih 23:6

Di ngan, tòm jơh rài kis añ jê, bơta lơngai mơ bơta kòñ nđàc rơp jat añ; Añ rơp ơm tòm hìu Yàng Jehôwa dê jơl tus sùm sùm.

Đơs Crih 27:4

Añ neh dan mơ Yàng Jehôwa dô bơta, mơ rơp jòi jat bơta hơ̆; Hơ̆ la añ kòñ jơl jơh rài kis añ jê geh ơm tòm hìu Yàng Jehôwa, Nàng sền gŏ bơta hàng mơnĕ Yàng Jehôwa dê, Mơ jòi lùp tòm hìu duh khoai Kơnràñ dê.

Đơs Crih 84:10

Bơh dô ngai tòm tiah ơm Yàng dê la niam rlau mơ dô rbô ngai tòm tiah ndai. Chan añ gơs cau kơp mpồng hìu Yàng Tom Trồ añ jê, la niam rlau mơ ơm tòm sàl cau iơh bơsak dê.

Đơs Crih 84:4

Lơngai cau lơi in geh ơm tòm hìu Yàng dê, Bol khai đơs chò jòng ro Yàng sùm. (Selah)

Đơs Crih 92:13

Bol khai geh tam tòm hìu Yàng Jehôwa dê, Gơlik bơkào tòm ƀlàng hìu Yàng Tom Trồ bol he dê.

Lik Ejiptơ 38:8

Bol khai ngui kòng lơh krơh triang muh mat ală cau ùr duh broă di mpồng mut Sàl Tòm Mat dê nàng lơh gơs dô nơm thùng bal mơ jơng ơn gơ dê.

Luka 5:33

Bol khai đơs mơ Kơnràñ lah: “Ală cau bơtê Jang dê òs ơt sa mơ hòi dan, ală cau bơtê cau Pharisi kung behơ̆ sơl, ai ală cau bơtê ồng dê mìng git sa mơ ñô lơm.”

Broă 13:3

Tơnơ̆ mơ tŭ neh sir ơt sa mơ hòi dan rau, bol khai ơn tê hơđang bàr nă bol hơ̆, lồc behơ̆ sồr lòt.

Broă 14:23

Tơnơ̆ mơ tŭ neh bơtào gơnoar broă ală cau kwang kra tòm kòp nơm Hìu Jum Goh, bàr nă cau gơnoar bơto dờng hòi dan, ơt sa rau, mơ jào ală cau hơ̆ Yàng in la Bơtau bol khai dòn kơnòm.

Broă 26:7

Bơh bơta ho pơgon hơ̆, mơ jơt bàr jơi bơtiàn bol hi dê kơp kòñ dòp geh, gen tàng duh khoai Yàng Tom Trồ sùm ngai mơ mang. Ơ bơtau, tài bơh bơta gơn kơnòm hơ̆, tàng añ kòl cau Juda yă wơn do.

I Timôthe 5:5

Cau ngan la ùr bơnrau mơ ơm is dô nă khai gen neh gơs nùs gơn kơnòm di Yàng Tom Trồ, ngai mơ mang kư̆ hòi dan, rac dan mơ Yàng.

Yal Tơlik 3:12

Cau lơi geh pha lin rlau, gen Añ rơp lơh khai in gơlik gơs dô nơm jrong tòm hìu duh khoai Yàng Tom Trồ Añ jê, mơ khai ò gơs tŭ lơi lik bơh tềng hơ̆ tai. Añ rơp cih hơđang khai sơnđan Yàng Tom Trồ Añ jê, sơnđan ƀòn dờng Yàng Tom Trồ Añ jê, la Jerusalem pa hơđang trồ bơh Yàng Tom Trồ Añ jê mơ mù, bal mơ sơnđan pa Añ jê.

Yal Tơlik 7:15

Tài bơh hơ̆ sồng bol khai ơm di đap sơbàn Yàng Tom Trồ dê, ngai mơ mang duh broă Yàng Tom Trồ tòm hìu duh khoai Kơnràñ dê; ai Bơtau nggui hơđang sơbàn rơp jơm gòm bol khai.

I Samuel 2:2

Ò gơs cau lơi sàng goh be Yàng Jehôwa, ò gơs cau lơi rlau mơ Kơnràñ; ò gơs Pơnai Lŭ lơi ndròm be Yàng Tom Trồ bol he dê.