Luka 2:25 - Sră Goh 2018

²⁵ Mơ tai, tòm Jerusalem gơs dô nă cau klau sơnđan la Simeôn, la cau song ring mơ duh rngòt, kơp gơn bơta pơndòm pơniang Israel dê, mơ Yàng Hwềng Goh ơm hơđang khai.

Luka 2:25 ပူးပေါင်းရင်းမြစ်များ

Sơnròp Gơlik Gơs 6:9

Do la jơi bơtiàn Nôe dê. Nôe tòm rài khai la dô nă cau song ring mơ wil tơl ngan, mơ khai lòt bal mơ Yàng Tom Trồ.

Sră Jop 1:1

Tòm lơgar Us, gơs dô nă cau sơnđan la Jop. Cau hơ̆ la wil tơl mơ song ring, duh rngòt di Yàng Tom Trồ mơ pleh ngài di bơta iơh bơsak.

Sră Jop 1:8

Yàng Jehôwa lùp Satan tai lah: “Mbe mê sền gŏ Jop la cau duh broă añ jê taih? Hơđang plai ù ò gơs dô nă cau lơi be khai, wil tơl mơ song ring, duh rngòt di Yàng Tom Trồ, mơ pleh ngài di bơta iơh bơsak.”

Esai 25:9

Tòm ngai hơ̆, bol khai rơp đơs lah: “Ngan do la Yàng Tom Trồ bol he dê; bol he neh kơp gơn Kơnràñ, gen tàng Kơnràñ neh dong klàs bol he. Do la Yàng Jehôwa ală cau lơi kơp gơn Kơnràñ; bol he hòn chò mơ chò hòp tĕ tòm bơta dong klàs Kơnràñ dê!”

Esai 40:1

Yàng Tom Trồ bol mê dê đơs lah: “Pơndòm pơniang tĕ, pơndòm pơniang tĕ làng bol Añ jê.

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Khà Làng Bol 11:25

Lồc behơ̆ Yàng Jehôwa mù tus tòm dô puk mhwal mơ tòmbơhbơr mơ khai, mơ Kơnràñ ai Hwềng neh ơm hơđang khai mơ ơn Hwềng hơđang poh jơt nă cau kwang kra. Tòm tŭ Hwềng neh ơm hơđang bol khai gen bol khai đơs hwơr, mơya bol khai ò pơnjat đơs hwơr tai.

Khà Làng Bol 11:29

Mơya Môise ho wơl lah: “Bol mê gơjrañ kơuềng ala añ sơl ơ? Añ kơp kòñ jơh làng bol Yàng Jehôwa dê la ală cau gơnoar hwơr mơ Yàng Jehôwa rơp ơn Hwềng Kơnràñ dê hơđang bol khai!”

Jơnau Niam Jat Mak 15:43

gơs dô nă cau sơnđan la Jôsep, ơm tòm Arimathe, la cau gơnoar bơyai broă neh tiơng pơnro ngan, să tòm khai kung kơp gơn lơgar Yàng Tom Trồ. Khai khin cha ngan lòt tus hơ Pilat mơ dan ƀồc Yàng Jesu.

Luka 1:41

Dơ̆ Elisabet kơno jơnau còp să Mari dê, gen kòn sơnđoh tòm kơndul. Elisabet geh bềng lìu Yàng Hwềng Goh,

Luka 1:6

Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng.

Luka 1:67

Chòp Sacari, bèp kòn hơ̆, geh bềng lìu Yàng Hwềng Goh mơ đơs hwơr lah:

Luka 2:38

Di di tŭ hơ̆, mò kung guh tềng hơ̆, jòng ro ưnngài Yàng Tom Trồ, mơ tòmbơhbơr bơh Kơnràñ mơ ală cau kơp gơn bơta dong tă Jerusalem.

Luka 23:51

khai ơm tòm Arimathe, ƀòn dờng gơrê bal mơ làng bol Juda. Khai kơp gơn lơgar Yàng Tom Trồ, ò dô nùs bal tòm bơta lơh nền mơ broă lơh bol hơ̆ dê.

Broă 10:2

Khai la dô nă cau dòn duh, bal mơ jơh hìu nhă khai duh rngòt di Yàng Tom Trồ lơm, jak pà gòi làng bol in, òs hòi dan mơ Yàng Tom Trồ sùm.

Broă 10:22

Bol khai ho lah: “Kornai cau at dô rhiang ling la cau song ring duh rngòt di Yàng Tom Trồ, jơh làng bol Juda neh lơh cơng niam bơh khai, khai hơ̆ neh bơh dô nă cau gơnrơh sàng goh mơ dòp jơnau sồr lòt jà ồng tus tòm hìu, mơ kơno jơnau ồng đơs.”

Broă 2:5

Tŭ hơ̆ gơs ală cau Juda la cau duh rngòt tus bơh tòm jơh ală làng bol tòm dunnia mơ ơm tòm Jerusalem.

Broă 24:16

Behơ̆ tàng añ kư̆ jơh nùs rcang sùm, nùs tồr sàng goh di đap Yàng Tom Trồ mơ di đap cau sơl.

Yal Wơl 18:15

Jehôwa Yàng Tom Trồ bol mê dê rơp bơtào tơngguh bol mê in dô nă cau gơnoar hwơr tòm toh kung be añ bơh digùl ală oh mi tòm bol mê dê. Bol mê pal iat jơnau khai dê.

II Pier 1:21

bơh ò gơs jơnau gơnoar hwơr lơi bơh nùs is dô nă cau lơi mơ gơs, mơya hơ̆ la bơh Yàng Hwềng Goh lơh rngoh rngac mơ cau neh đơs jơnau Yàng Tom Trồ dê.