Luka 19:9 - Sră Goh 2018

⁹ Yàng Jesu đơs mơ khai lah: “Ngai do bơta dong klàs neh tus tòm hìu do, bơh cau do kung la kòn sau Abraham dê.

Luka 19:9 ပူးပေါင်းရင်းမြစ်များ

Luka 13:16

Tơ ài lah cau ùr do la kòn sau Abraham dê, mơ cà Satan neh kơt cap tòm jơt phàm nam do, ò di la ò hồ toh khai bơh di che cap hơ̆ tòm ngai Saƀat ò ơ?”

Luka 13:30

Ngan behơ̆, gơs cau lồi dut rơp gơlik gơs cau sơnròp, cau sơnròp rơp gơlik gơs cau lồi dut.”

Luka 16:24

Cau pas sơm hòi driau lah: ‘Abraham ơ bèp, dan nđàc sơngit di añ, sồr ƀà Lasarơ iurŭ ràs tê tòm dà nàng lơh mrềt lơmpiat añ in, bơh añ kòl pơnjê pơngkồr oă ir tòm ồs do.’

Luka 16:30

Cau pas sơm ho lah: ‘Abraham ơ bèp, ò di behơ̆ ò; dilah gơs cau bơh cau chơt kis wơl lòt tus hơ bol khai, gen ngan bol khai rơp gơjrañ sang glài.’

Luka 2:30

Bơh mat añ neh gŏ bơta dong klàs Yàng dê,

Luka 3:8

Behơ̆ gơlik tĕ plai di pal mơ bơta gơjrañ sang glài; bañ đơs is lah: ‘Bol he gơs Abraham la ồng pàng bol he dê,’ bơh añ đơs mơ bol mê, Yàng Tom Trồ rgơi ai bơh ală lŭ do bơtào gơs kòn sau Abraham in.

Rôma 4:16

Behơ̆ tàng, bơh bơta dòn mơ jơnau ho pơgon bơh bơta nđàc, geh kơ̆ nền jơh jơi bơtiàn Abraham in, ò di ai mìng jơi bơtiàn ơm hơđơm gơnoar bơta boh lam lơm, mơ kung ai jơi bơtiàn gơs bơta dòn Abraham in sơl, la ồng pàng đah hwềng jơh ală bol he dê,

Galati 3:14

tồ bơta lơngai lơngò Abraham dê kơnòm di Yàng Krist Jesu geh tus hơđang làng bol bơdìh, nàng bol he in kơnòm di bơta dòn mơ dòp geh Yàng Hwềng jat be jơnau neh ho ai.

Galati 3:29

Dilah oh mi neh bal mơ Bơtau Krist, gen oh mi la jơi bơtiàn Abraham dê, hơ̆ la cau pơrdòn jat jơnau ho pơgon Yàng Tom Trồ dê.

Galati 3:7

Behơ̆ oh mi pal dòp git tĕ lah, ală cau gơs bơta dòn hơ̆ la kòn sau ngan Abraham dê.

I Pier 2:10

Bơh yau òr oh mi ò di la dô nơm làng bol, mơya tŭ do la làng bol Yàng Tom Trồ dê, lài ò geh kòñ nđàc, mơya tŭ do neh geh kòñ nđàc rau.