Luka 19:14 - Sră Goh 2018

¹⁴ Mơya làng bol khai dê gơjrañ kơuềng di khai, sồr cau kong sồr lòt jat mơ đơs lah: ‘Bol hi ò kòñ cau do at bồ bol hi.’

Luka 19:14 ပူးပေါင်းရင်းမြစ်များ

II Samuel 23:7

Cau pal ai phan ngui mơ lòs hala ngkơr tà nàng kwĕ gơ; mơ jơh bol gơ kong chu jơh tòm ồs.”

Esai 49:7

Yàng Jehôwa đơs be do: Bơtau Dong Tơwài Israel dê mơ la Bơtau Sàng Goh Kơnràñ dê, mơ cau kong sền òsơp, kong ƀòn lơgar sền ngkòr ngkàc cù kìr, la dĭ gơna ală cau kwang at bồ, lah: “Ală cau bơtau rơp gŏ mê mơ ñă ntào, ală cau kwang dờng rơp gŏ mơ tơmbic să, tài bơh Yàng Jehôwa la Bơtau dòn song, Bơtau Sàng Goh Israel dê la Bơtau neh sac rwah mê.”

Sacari 11:8

Tòm dô kơnhai Añ neh tơlik pe nă cau ê. Mpồl belàt cù kìr di Añ, mơ Añ sơlo ngai sơlo ò jai kong tai bơh di bol gơ.

Luka 14:32

Dilah tòmdră ò jai, tòm tŭ cau bơtau ne gam ơm ngài, gen pal sồr dô nă cau kong sồr lòt nàng dan lơh gơtòmsòr wơl.

Luka 19:13

Lài mơ tŭ khai lik lòt. Chòp khai hòi jơt nă cau dĭ khai dê, jào bol khai in jơt pơnai priă mơ sồr lah: ‘Lòt kă bro tĕ, lơh gơlik cồng nha jơl tus di tŭ añ rê.’

Luka 19:15

Tòm tŭ khai neh dòp gơnoar at bồ lơgar mơ rê wơl, gen sồr hòi ală cau dĭ mơ khai neh jào priă lòt tus, nàng git kòp nă neh lơh gơlik cồng nha la nđò.

Luka 19:27

Ai ală cau sò tơm di añ, la ală cau ò kòñ añ at bồ hơđang bol khai, hwài tĕ bol khai tus hơ do mơ tơnchơt di đap añ.’”

Jang 1:11

Kơnràñ neh tus tòm tiah Kơnràñ, mơya làng bol Kơnràñ ò dòp Kơnràñ.

Jang 15:18

“Dilah dunnia gơjrañ di bol mê, gen git tĕ lah bol khai neh gơjrañ di Añ lài mơ bol mê rau.

I Samuel 8:7

Mơ Yàng Jehôwa đơs mơ khai lah: “Iat tĕ jơh ală jơnau mơ làng bol neh đơs mơ mê; hơ̆ ò di la bol khai sang lòi mê; mơya bol khai neh sang lòi Añ la Bơtau at bồ bol khai dê.