Luka 18:43 - Sră Goh 2018

⁴³ Khai gŏ mo mơ lòt jat Kơnràñ mơ jòng ro Yàng Tom Trồ. Jơh làng bol gŏ behơ̆ gen jòng ro Yàng Tom Trồ.

Luka 18:43 ပူးပေါင်းရင်းမြစ်များ

Đơs Crih 107:15

Lòi bol khai in ưnngài Yàng Jehôwa bơh bơta kòñ gơboh kơ̆ dơn Kơnràñ dê, Mơ bơh ală broă crih crài Kơnràñ lơh jơi kòn mơnus in!

Đơs Crih 107:8

Lòi bol khai in ưnngài Yàng Jehôwa bơh bơta kòñ gơboh kơ̆ dơn Kơnràñ dê, Mơ bơh ală broă crih crài Kơnràñ lơh jơi kòn mơnus in!

Đơs Crih 146:8

Yàng Jehôwa pò mat cau jơngo in, Yàng Jehôwa pò tơngguh ală cau kun tơnliah, Yàng Jehôwa kòñ gơboh di cau song ring.

Đơs Crih 30:2

Ơ Jehôwa Yàng Tom Trồ añ jê, añ rac dan mơ Yàng dong kòl, Mơ Kơnràñ neh sơmbòi añ.

Esai 35:5

Gen mat cau jơngo rơp geh àng, tồr cau tĭ rơp geh kơno.

Esai 42:16

Añ rơp tề ală cau jơngo lòt tòm ală gùng bol khai ò git, Añ rơp lam bol khai tòm ală gùng bol khai òhềt mòng git; Añ rơp tòmgơl bơta jơngo gơlik gơs bơta àng di đap bol khai, mơ lơh ală tiah ò ring gơlik gơs ring niam. Hơ̆ la ală bơta Añ rơp lơh; mơ Añ rơp ò sang lòi bol khai.

Esai 43:21

Hơ̆ la làng bol mơ Añ neh mòn gơs să tòm Añ in nàng bol khai rơp yal tơlik bơta jòng ro Añ.

Mathiơ 11:5

cau jơngo geh àng, cau pă geh lòt, cau dun geh goh, cau tĭ geh klo, cau chơt geh kis wơl, cau rƀah lơòi geh kơno bơto yal Jơnau Niam.

Mathiơ 21:14

Ală cau jơngo mơ cau kwet kơlte tus hơ Kơnràñ tòm hìu duh khoai, gen Kơnràñ sơmbòi bol khai.

Mathiơ 9:8

Mpồl làng bol gŏ bơta hơ̆, gen rngòt rngơt ngan mơ jòng ro Yàng Tom Trồ la Bơtau neh ai cau in gơnoar behơ̆.

Luka 13:17

Kơnràñ đơs ală jơnau hơ̆ gen ală cau sò tơm di Kơnràñ ƀàssìl jơh, ai jơh mpồl làng bol hòn chò bơh jơh ală broă crih crài Kơnràñ neh lơh.

Luka 19:37

Kơnràñ mòr tus rềp di ƀòn dờng Jerusalem tiah mù mơnơm Ôlibe rau, gen jơh mpồl cau bơtê hòn chò, driau dờng jòng ro Yàng Tom Trồ bơh ală broă gơnap gơnoar mơ bol khai neh gŏ,

Luka 4:39

Kơnràñ kun wèt hơ mò, pơrhơng bơta kòp prơm gen kòp prơm roh thit. Mò ñă ntào mo mơ duh broă bol khai.

Luka 5:26

Jơh tơl nă cau ai lơh crih crài mơ jòng ro Yàng Tom Trồ, bềng bơta rngòt rngơt mơ đơs lah: “Ngai do bol he gŏ ală bơta krơi is ngan.”

Luka 9:43

Jơh tơl nă cau ai lơh crih crài ngan bơh gơnap gơnoar ryŭ ryơm Yàng Tom Trồ dê. Tòm tŭ tơl nă cau ai lơh krơi bơh ală broă Kơnràñ neh lơh, gen Kơnràñ đơs mơ ală cau bơtê lah:

Broă 11:18

Dơ̆ bol khai kơno jơnau hơ̆, gen ơm mŏ mŏ, lồc behơ̆ jòng ro Yàng Tom Trồ lah: “Behơ̆, Yàng Tom Trồ kung neh ai bơta gơjrañ sang glài làng bol bơdìh in tồ bol khai geh bơta kis.”

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Broă 4:21

Tơnơ̆ mơ tŭ pơhìn tai Pier mơ Jang, lồc behơ̆ hồ bol khai in rê; gŏ ò rgơi lơh glài tài bơh làng bol, bơh jơh tơl nă jòng ro Yàng Tom Trồ bơh broă neh gơlik gơs.

Galati 1:24

Behơ̆, tài bơh añ gen tàng bol khai jòng ro Yàng Tom Trồ.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.