Luka 18:34 - Sră Goh 2018

³⁴ Mơya ală cau bơtê ò wă jơnau lơi; bơh jơnau hơ̆ gơkòl pồn ndơp bol khai in, gen tàng bol khai ò git wă ală jơnau Yàng Jesu kòñ đơs.

Luka 18:34 ပူးပေါင်းရင်းမြစ်များ

Jơnau Niam Jat Mak 9:32

Mơya ală cau bơtê ò git wă jơnau hơ̆, mơ rngòt sơl, ò khin lùp Kơnràñ.

Luka 18:33

tơnơ̆ hơ̆, cau pù lơh mơ tơnchơt Khai; tus di ngai dơ̆ pe, Khai rơp kis wơl.”

Luka 2:50

Mơya bol khai ò wă jơnau Kơnràñ đơs hơ̆.

Luka 24:25

Tŭ hơ̆ Yàng Jesu đơs lah: “Ơ cau bơrngơl gơla, gơs nùs òbat dòn jơh ală jơnau cau gơnoar hwơr neh đơs.

Luka 24:45

Gen Kơnràñ pò dơngoh kơlôi bol khai dê nàng git wă Sră Goh,

Luka 9:45

Mơya bol khai ò git wă jơnau hơ̆, bơh gơ gam gơkòl pồn ndơp gen tàng bol khai ò git wă, mơ rngòt ò khin lùp Kơnràñ bơh jơnau đơs hơ̆.

Jang 10:6

Yàng Jesu yal pơnyơu hơ̆ bol khai in, mơya bol khai ò git wă ñchi jơnau Kơnràñ kòñ đơs.

Jang 12:16

Bơh sơnròp ală cau bơtê ò git wă ală bơta hơ̆; mơya tòm tŭ Yàng Jesu neh geh gơklŏ, tŭ hơ̆ sồng bol khai kah wơl ală bơta hơ̆ neh geh cih bơh Kơnràñ, mơ neh lơh bơta hơ̆ Kơnràñ in.