Luka 18:32 - Sră Goh 2018

³² Bơh Khai rơp gơkòl bơtào tòm tê cau làng bol Bơdìh, kong dơñŏ tơnhial, bơtat bơtròh mơ choh druh;

Luka 18:32 ပူးပေါင်းရင်းမြစ်များ

Esai 50:6

Añ neh ai ngkòi Añ cau in pù lơh, ai tơrmồ Añ cau in dŭi sơnò tềp; Añ ò pồn mat bơh di cau dơñŏ tơnhial mơ choh dà diau hơđang Añ.

Esai 52:14

Kung be gơs oă cau gŏ Kơnràñ mơ ai lơh krơi, muh mat Kơnràñ ò niam rlau mơ jơh ală cau ndai, rùp să Kơnràñ ò gam be rùp să kòn mơnus tai.

Esai 53:3

Kơnràñ neh kong cau sền òsơp mơ sang lòi, git làm bơta moat jrùng, mòng mơ bơta jê sồt; be dô nă cau neh kong sền òsơp kung be cau mơ kòn mơnus pồn mat ò bài sền; bol he kung sền òsơp di Kơnràñ sơl.

Mice 5:1

Tŭ do, bol mê gơrwàng gùt dar be dô nơm dơrñang! Gơrwàng tòmdră mơ bol hi; Bol khai ai gai pòng di tơrmồ cau at bồ Israel dê.

Mathiơ 16:21

Bơh tŭ hơ̆, Yàng Jesu sơntòm yal ală cau bơtê in git Kơnràñ pal lòt tus hơ Jerusalem, pal kong oă bơta jê sồt bòl glar bơh ală cau kwang kra, ală cau gơnoar lam bồ ơn phan duh khoai, ală cau bơto bơta boh lam, mơ pal kong tơnchơt, tus dê ngai pe gen geh kis wơl.

Mathiơ 20:19

bơtào Kơnràñ cau làng bol bơdìh in dơñŏ tơnhial, pù lơh mơ pơng hơđang chi pơng. Tus di ngai pe Kơnràñ rơp geh kis wơl.”

Mathiơ 22:6

Ai cau ndai kup cau dĭ cau bơtau dê, bơtat bơtròh mơ tơnchơt.

Mathiơ 26:67

Gen bol khai choh di mat Kơnràñ mơ pòng lơh di Kơnràñ; cau ƀà pah Kơnràñ,

Mathiơ 27:2

Bol khai cap Kơnràñ, mơ cèng jào di đap Pilat, la kwang đơng lơgar.

Jơnau Niam Jat Mak 14:65

Gơs cau choh di Kơnràñ, lềt mat Kơnràñ, tap di Kơnràñ mơ đơs mơ Kơnràñ lah: “Đơs hwơr tĕ ih!” Ală cau ling sơmbat di Kơnràñ mơ pah Kơnràñ.

Jơnau Niam Jat Mak 15:1

Tòm tŭ rìng àng, ală cau gơnoar lam bồ ơn phan duh khoai, bơyai bal mơ ală cau kwang kra, ală cau bơto bơta boh lam mơ jơh Mpồl Kwang Tơrña, bol khai cap Yàng Jesu mơ cèng jào Pilat in.

Luka 18:33

tơnơ̆ hơ̆, cau pù lơh mơ tơnchơt Khai; tus di ngai dơ̆ pe, Khai rơp kis wơl.”

Luka 23:1

Chòp bol hơ̆ ntào, cèng Kơnràñ tus di đap Pilat.

Luka 23:11

Herôt mơ mpồl ling khai dê sền òsơp mơ dơñŏ tơnhial di Kơnràñ, tơnsoh ào bơnga gơcrà Kơnràñ in, gen sồr cèng wơl Kơnràñ hơ Pilat.

Luka 23:35

Làng bol ntào sền, ai ală cau kwang dơñŏ tơnhial di Kơnràñ lah: “Khai neh dong klàs cau ndai; dilah khai la Bơtau Krist Yàng Tom Trồ neh sac rwah, gen dong klàs tĕ să he!”

Jang 18:22

Neh Kơnràñ đơs behơ̆ gen dô nă cau ling ơm tềng hơ̆ pah Yàng Jesu mơ đơs lah: “Mê ho behơ̆ mơ cau gơnoar dờng lam bồ ơn phan duh khoai ơ?”

Jang 18:28

Behơ̆ bol khai lam Yàng Jesu bơh hìu Kaiphe lòt tus hơ hìu cahrña. Tŭ hơ̆ la àng drim. Să tòm bol khai ò mut tòm hìu cahrña, rngòt kòl bơta ƀơ̆ ƀơl mơ ò geh pơjum tòm bơta pơjum sa lòt gan.

Jang 18:30

Bol khai ho lah: “Dilah cau do ò di la cau lơh iơh bơsak, gen bol hi ò bơtào khai ồng in.”

Jang 18:32

Bơta do gơlik di ngan be jơnau Yàng Jesu neh đơs, nàng sơnio Kơnràñ pal kong chơt be lơi.

Jang 18:35

Pilat ho lah: “Añ la cau Juda ơ? Làng bol mê dê mơ ală cau gơnoar lam bồ ơn phan duh khoai neh bơtào mê añ in; behơ̆ ñchi bơta mê neh lơh taih?”

Broă 2:23

Yàng Jesu neh kòl bơtào jat bơta lơh nền mơ bơta git lài Yàng Tom Trồ dê, mơ ală oh mi neh jồm tê cau iơh bơsak nàng pơng Yàng Jesu hơđang chi pơng mơ tơnchơt tơn.

Broă 3:13

Yàng Tom Trồ Abraham, Isak mơ Jakôp dê, Yàng Tom Trồ ồng pàng bol he dê neh lơh gơklŏ Cau Duh Broă Kơnràñ dê la Yàng Jesu, la Bơtau mơ ală oh mi neh bơtào mơ pơndang sang di đap Pilat, tòm tŭ khai neh lơh nền kòñ hồ Kơnràñ.