Luka 18:16 - Sră Goh 2018

¹⁶ Mơya Yàng Jesu hòi ală cau bơtê mơ đơs lah: “Lòi tĕ ală kơnòm dềt lòt tus hơ Añ, bañ kơryan bol khai; bơh lơgar Yàng Tom Trồ gơrê mơ ală cau be bol khai.

Luka 18:16 ပူးပေါင်းရင်းမြစ်များ

Sơnròp Gơlik Gơs 21:4

Mơ Abraham siat gơltau Isak kòn klau khai in tòm tŭ khai neh phàm ngai jat be jơnau Yàng Tom Trồ neh sồr.

II Yal Yau 20:13

Tòm tŭ jơh ală cau Juda ntào di đap Yàng Jehôwa bal mơ ală kòn dềt, mơ ală bau ùr mơ ală kòn sau bol khai dê.

Jeremi 32:39

Añ rơp ai bol khai in dô nơm nùs mơ dô nơm gùng, tồ bol khai duh rngòt di Añ sùm sùm, bơh bơta niam bol khai in mơ niam kòn sau bol khai in pơnjat tơnơ̆.

Mathiơ 19:14

Yàng Jesu đơs lah: “Lòi tĕ ală kơnòm dềt tus hơ Añ, bañ bơkơŭ bol khai; bơh lơgar đang trồ gơrê mơ ală cau be bol khai.”

Luka 18:15

Cau kung cèng ală kơnòm dềt tus hơ Kơnràñ nàng Kơnràñ ƀư di bol khai. Ală cau bơtê gŏ, gen lah pơrhơng ală cau cèng hơ̆.

Luka 18:17

Kah tĕ jơnau Añ đơs mơ bol mê do, cau lơi ò dòp lơgar Yàng Tom Trồ be dô nă kơnòm dềt, gen ò geh mut tòm hơ̆ ò.”

Broă 2:39

Bơh jơnau ho pơgon hơ̆ gơrê bal mơ ală oh mi mơ kòn sau ală oh mi dê, mơ gơrê bal mơ jơh tơl nă cau ơm ngài sơl, hơ̆ la ală cau mơ Yàng la Yàng Tom Trồ bol he dê rơp hòi sac.”

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

I Kôrintô 7:14

Bơh bau klau ò dòn Yàng, gen kơnòm di bau ùr mơ geh sàng goh; mơ bau ùr ò dòn Yàng, gen kơnòm di bau klau mơ geh sàng goh; dilah ò behơ̆ gen kòn oh mi dê ò gơrê bal mơ Yàng, mơya tŭ do gơrê bal mơ Yàng.

Yal Wơl 29:11

bal mơ ală kòn sau mơ ală bau ùr bol mê dê, mơ ală cau làng bơdìh ơm kis digùl ală sàl ơm bol mê dê la ală cau koh lòng ơnòng dà bol mê in,

Yal Wơl 31:12

Hòi pơjum tĕ làng bol, ală cau klau, ală cau ùr mơ ală cau kơnòm, ală cau làng bơdìh ơm kis tòm ală ƀòn dờng bol mê dê, tồ bol khai rgơi ơm iat mơ bơtê duh rngòt di Jehôwa Yàng Tom Trồ bol mê dê mơ kơrhia lơh jat jơh ală jơnau bơta boh lam do dê,

I Pier 2:2

Kòñ gơboh tĕ di dà toh sàng goh đah hwềng, be ală kòn dềt pa deh, tồ oh mi in kơnòm di bơta hơ̆ nàng gơlik gơs dờng mơ geh dong klàs,