Luka 18:14 - Sră Goh 2018

¹⁴ Añ đơs mơ bol mê, cau dar dia rê hơ hìu he geh kòp la song ring, ò di cau Pharisi ò; bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Luka 18:14 ပူးပေါင်းရင်းမြစ်များ

Sră Jop 22:29

Tòm tŭ kong cau ndai lơh ƀàssìl, mơ ồng đơs lah: ‘Hơ̆ la bơta pơnhừ să!’ Gen Kơnràñ rơp dong klàs cau pơndêt să.

Sră Jop 25:4

Gen mbe rgơi dô nă cau geh kòp la song ring di đap Yàng Tom Trồ taih? Mbe rgơi dô nă cau deh bơh cau ùr gơlik gơs sàng goh taih?

Sră Jop 9:20

Bulah añ ò gơs glài, bơr añ rơp kup glài añ; Dilah añ wil tơl, Kơnràñ rơp lơh cơng añ la cau neh rkwet rkwe.

Đơs Crih 138:6

Bulah Yàng Jehôwa ơm hơđang jòng, Mơya kung wèt sền ală cau ò diă ò diơng; Ai cau pơnhừ să gen Kơnràñ đal git bol khai bơh ngài.

Đơs Crih 143:2

Dan bañ cahrña di cau duh broă Kơnràñ dê, Bơh ò gơs cau kis lơi la song ring di đap Yàng.

Lik Ejiptơ 18:11

Tŭ do añ git lah Yàng Jehôwa la dờng rlau mơ jơh ală yàng ndai, bơh Kơnràñ neh lơh bơta hơ̆ ală cau neh pơnhừ să gơwèt mơ Israel”.

Jơnau Pơnđik 15:33

Bơta duh rngòt Yàng Jehôwa bơto sồr bơta jak chài; Mơ bơta pơndêt să lòt lài mơ bơta ki ngàm.

Jơnau Pơnđik 18:12

Bơta jòng să lòt lài mơ bơta roh gơprah; Mơya bơta pìn pơndêt să lòt lài mơ bơta màng ryŭ.

Jơnau Pơnđik 25:7

Bơh chan cau đơs mơ kòn lah: Guh tĕ hơ do, niam rlau mơ cau tơmù kòn di đap cau kwang bơtau, mơ mat kòn neh gŏ.

Jơnau Pơnđik 29:23

Bơta pơnhừ să cau dê rơp tơmù cau; mơya cau lơi gơs nùs pìn pơndêt să rơp geh jòng ro.

Jơnau Pơnđik 3:34

Kơnràñ dơñŏ tơnhial dê cau jak bơrsèl tơnhial, Mơya Kơnràñ ai bơta nđàc cau tơnliah să in.

Cau Bơto 9:7

Lòt tĕ sa ƀañ mê dê dô bă hòn chò, mơ ñô tơrnòm dô bă hừh nùs; bơh Yàng Tom Trồ dòp ală broă lơh mê dê neh jŏ jòng rau.

Esai 45:25

Mơya tòm Yàng Jehôwa, jơh ală kòn sau Israel dê rơp geh pha lin mơ gơklŏ.

Esai 53:11

Tơnơ̆ mơ tŭ hwềng soàn Kơnràñ neh kong jê sồt, Kơnràñ rơp gŏ bơta àng mơ bơta hừh nùs, gan di bơta git wă Kơnràñ dê. Cau duh broă song ring Añ jê rơp lơh oă bơta song ring, mơ Kơnràñ rơp àñ ơnòng ală bơta tồi glài bol khai dê.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Habakuk 2:4

Sền tĕ, di cau pơnhừ să, hwềng ơm tòm bol khai ò song ring; mơya cau song ring kis bơh bơta dòn khai dê.

Mathiơ 23:12

Dilah cau lơi yò tơngguh is să he gen rơp gơtơmù, ai cau tơnliah is să he gen rơp geh yò tơngguh.”

Mathiơ 5:3

“Lơngai ală cau gơs nùs rƀah bòl glar in, bơh lơgar đang trồ la bal mơ ală cau hơ̆!

Luka 1:52

Tă tơlik cau gơnoar pràn bơh di sơbàn, Yò tơngguh cau ò diă ò diơng,

Luka 10:29

Mơya khai kòñ sơnđan is să he la song ring, gen đơs mơ Yàng Jesu lah: “Ñcau la cau gơp ƀòn añ taih?”

Luka 14:11

Bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Luka 16:15

Kơnràñ đơs mơ bol khai lah: “Bol mê kòp is să he la song ring di đap ală cau, mơya Yàng Tom Trồ git nùs bol mê; bơh bơta lơi la ryŭ ryơm digùl kòn mơnus la ngkòr ngkàc di đap Yàng Tom Trồ.

Rôma 3:20

Bơh ò gơs dô nă cau lơi kơnòm di broă lơh jat bơta boh lam nàng geh kòp la song ring di đap Kơnràñ, bơh bơta boh lam ai cau in git he gơs glài.

Rôma 4:5

ai cau ò lơh broă dô êt lơi mơya dòn Yàng Tom Trồ la Bơtau kòp cau glài la song ring, gen bơta dòn cau hơ̆ dê geh Yàng Tom Trồ kòp la song ring.

Rôma 5:1

Behơ̆, bol he neh geh kòp la song ring bơh bơta dòn, gen geh gơtòmsòr bal mơ Yàng Tom Trồ, kơnòm di Yàng Jesu Krist bol he dê.

Rôma 8:33

Ñcau rơp yă ală cau Yàng Tom Trồ sac rwah taih? Yàng Tom Trồ la Bơtau kòp bol khai la song ring.

Galati 2:16

Bulah behơ̆, bol hi kung neh git lah cau geh kòp la song ring, ò di bơh ală broă jat bơta boh lam dê, mơya kơnòm di bơta dòn tòm Yàng Jesu Krist, gen tàng să tòm bol hi neh dòn tòm Krist Jesu, nàng geh kòp la song ring bơh bơta dòn tòm Bơtau Krist, ò di bơh ală broă bơta boh lam dê, bơh ò gơs cau lơi geh kòp la song ring bơh ală broă bơta boh lam dê.

Jakơ 4:10

Tơnliah tĕ să he di đap Yàng, gen Kơnràñ rơp yò tơngguh oh mi.

Jakơ 4:6

Mơya Kơnràñ ai bol he in bơta nđàc oă rlau tai. Behơ̆ tàng Sră Goh cih lah: “Yàng Tom Trồ tòmdră mơ cau pơnhừ să, mơya ai bơta nđàc cau tơnliah să in.”

I Samuel 1:18

Anne đơs lah: “Dan cau dĭ ùr ồng dê geh bơta nđàc di đap mat ồng.” Gen khai lik lòt mơ sa hùc bal mơ bau klau khai dê, muh mat khai ò gam moat jrùng tai.