Luka 18:13 - Sră Goh 2018

¹³ Ai cau dar dia ơm ngài ngài, ò khin tơnggòr mat hơđang trồ, tur ntơh he mơ đơs lah: ‘Khoai Yàng Tom Trồ, dan nđàc sơngit di añ la cau glài.’

Luka 18:13 ပူးပေါင်းရင်းမြစ်များ

II Samuel 12:13

Dabit đơs mơ Nathan lah: “Añ neh tìs glài mơ Yàng Jehôwa.” Nathan ho lah: “Yàng Jehôwa neh sang tồi glài bơtau dê; bơtau rơp ò chơt.

II Yal Yau 33:19

Jơnau hòi dan khai dê mơ mbe Yàng Tom Trồ neh dòp jơnau khai rac dan, kung be jơh ală bơta tồi glài ò dòn song khai dê, mơ ală tiah jơnhoa duh khoai mơ khai neh bơt mơ bơtào ală jrong duh khoai mơ ală rùp ràk Asera lài mơ tŭ khai tơnliah să tòm khai dê, jơh ală bơta hơ̆ neh geh cih tòm sră yal broă ală cau gơnoar git lài dê.

II Yal Yau 33:23

Mơya khai ò tơnliah să khai di đap Yàng Jehôwa kung be bèp khai neh lơh; mơya tòm bơta do Ammôn sơlo tìs glài bơtơl tai.

Ejra 9:6

mơ hòi dan lah: “Ơ Yàng Tom Trồ añ, añ ƀàssìl oă ngan mơ tơnggòr mat hơ Kơnràñ; ơ Yàng Tom Trồ añ jê, bơh bơta tồi glài bol hi dê neh gơguh jòng rlau mơ bồ bol hi dê, mơ bơta tìs glài bol hi dê neh guh tus hơđang ală tap trồ.

Sră Jop 42:6

Gen tàng, añ ai lơh cù kìr bơh să tòm añ, Mơ gơjrañ sang glài tòm kơmbuh ù mơ bùh.”

Đơs Crih 106:6

Bol hi mơ ồng pàng bol hi neh tìs glài; Bol hi tìs tòm bơta tồi glài iơh bơsak mơ lơh bơta jàñ bơsak.

Đơs Crih 119:41

Ơ Yàng Jehôwa, dan ai bơta kòñ gơboh kơ̆ dơn Kơnràñ dê tus mơ añ, Hơ̆ la bơta dong klàs jat jơnau ho pơgon Kơnràñ dê,

Đơs Crih 130:7

Ơ Israel, gơn kơnòm tĕ dê Yàng Jehôwa! Bơh Yàng Jehôwa gơs nùs kòñ gơboh kơ̆ dơn, Mơ gơs bơta dong tơwài tơngkah tơngkañ.

Đơs Crih 25:11

Ơ Yàng Jehôwa, bơh sơnđan Kơnràñ, Dan toh glài iơh bơsak añ jê, tài bơh gơ la dờng.

Đơs Crih 25:7

Dan bañ kah ală tồi glài añ tìs tòm tŭ kơnòm să, hala ală bơta tìs añ jê: Ơ Yàng Jehôwa, dan kah añ jat be bơta kòñ gơboh kơ̆ dơn mơ nùs niam Kơnràñ dê.

Đơs Crih 40:12

Bơh neh gơs ò git nđò bơta iơh gơrwàng gùt dar añ; Ală tồi glài iơh bơsak añ jê neh gơtuh hơđang añ, Tian gơs añ ò rgơi sền; Gơ oă rlau mơ sŏ hơđang bồ añ; nùs añ gơnsràng rngòt.

Đơs Crih 41:4

Ai añ, añ đơs lah: “Ơ Yàng Jehôwa, dan nđàc di añ; Sơmbòi añ, bơh añ neh tìs glài tòmdră mơ Yàng.”

Lik Ejiptơ 33:10

Tŭ lơi làng bol gŏ jrong mhwal ơm ntào di gùng mut tòm sàl, gen jơh tơl nă bol khai ñă ntào mơ duh khoai, kòp nă ntào di gùng mut tòm sàl he dê.

Esai 1:18

Yàng Jehôwa đơs: “Tŭ do tus tĕ nàng bol he tòmbơyai bal. Bulah tồi glài bol mê dê be dà phồng, rơp gơlik bò be piar, bulah pơrhê be mhàm, rơp gơlik be sơnò belàt kò.

Esai 6:5

Tŭ hơ̆ añ đơs: “Bòl glar añ in! Dut rài añ rau! Bơh añ la cau gơs sơndồi ƀơ̆ ƀơl, mơ añ kis digùl dô nơm làng bol gơs sơndồi ƀơ̆ ƀơl, mơ bơh mat añ neh gŏ Bơtau la Yàng Jehôwa Gơnap Gơnoar Dờng.”

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Ejekiel 16:63

Gen tòm tŭ Añ lơh bơta tơwài glài ai in bơh jơh ală bơta ai neh lơh, ai rơp kah wơl mơ ƀàssìl, mơ ai ò gam pò bơr tai tài bơh bơta ƀàssìl ƀàsso ai dê,” Jehôwa Yàng Tom Trồ đơs behơ̆.

Daniel 9:5

Bol hi la cau tồi glài mơ lơh tìs, bol hi la iơh bơsak mơ tòmdră mơ Yàng, bol hi neh pơrlơ̆ sang ală bơta sồr lam mơ ală bơta boh lam Yàng dê.

Mathiơ 10:3

Philip mơ Bathelemi; Thôma mơ Mathiơ la cau dar dia; Jakơ kòn Alphe mơ Thade;

Mathiơ 6:5

“Tòm tŭ bol mê hòi dan, bañ lơh be ală cau ma blac, bơh bol khai kòñ ntào hòi dan tòm ală hìu jum mơ di ală mum gùng, nàng cau in gŏ. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 9:13

Lòt tĕ bơtê git jơnau gơtha sèng do: ‘Añ kòñ bơta kòñ nđàc, ò kòñ phan ơn duh khoai ò.’ Bơh Añ tus ò di nàng hòi cau song ring ò, mơya nàng hòi cau glài.”

Jơnau Niam Jat Mak 11:25

Tòm tŭ bol mê ntào hòi dan, dilah gơs bơta lơi gơtòmkal mơ cau lơi, gen toh glài tĕ nàng Bèp bol mê ơm hơđang trồ kung rơp toh glài bol mê in sơl.” [

Luka 17:12

Dơ̆ Kơnràñ neh mut tòm ƀòn ne, gơs jơt nă cau dun lòt kơp rò Kơnràñ. Bol khai ntào ngài ngài,

Luka 22:41

Gen Kơnràñ lòt bơh bol khai pơgap dô bồng sơrbì lŭ, cùn gơltang hòi dan lah:

Luka 23:48

Jơh mpồl làng bol pơjum nàng sền bơta hơ̆, gŏ bơta neh gơlik gơs rau, gen tur ntơh he mơ rê hìu.

Luka 5:8

Simôn Pier gŏ behơ̆, gen cùn gơltang di đap Yàng Jesu mơ đơs lah: “Ơ Yàng, dan lik tĕ bơh di añ, bơh añ la cau glài.”

Broă 2:37

Tòm tŭ kơno ală jơnau hơ̆ gen nùs bol khai jê sồt ngan, bol khai lùp mo Pier mơ ală cau gơnoar bơto dờng ndai lah: “Ơ oh mi, mbe bol hi pal lơh taih?”

Rôma 5:8

Mơya Yàng Tom Trồ yal tơlik nùs kòñ gơboh Kơnràñ dê gơwèt mơ bol he, la tòm tŭ bol he gam la cau glài, gen Bơtau Krist bơh bol he mơ kong chơt.

II Kôrintô 7:11

Ne, lòng sền, oh mi neh moat jrùng jat nùs kòñ Yàng Tom Trồ dê, gen gơlik gơs tòm oh mi bơta duh hul, bơta tò să he, bơta wòl să, bơta rngòt rngơt, bơta kơp kòñ, bơta ngac ngar, bơta lơh glài. Tòm jơh ală bơta oh mi neh yal tơlik oh mi ò tìs tòm broă hơ̆.

I Timôthe 1:15

Yàng Krist Jesu neh tus tòm dunnia nàng dong klàs cau glài, hơ̆ la jơnau nền cê ngan pal dòn dòp wil tơl; tòm ală cau glài hơ̆ añ la cau glài kơnjơ̆ rlau jơh.

Hebrơ 4:16

Behơ̆ bol he kơ̆ tĕ nùs tus rềp di sơbàn Bơtau ai bơta nđàc dê, nàng dòp geh bơta nđàc sơngit mơ jòi geh bơta kòñ nđàc nàng dong kòl bol he tòm tŭ pal càng.

Hebrơ 8:12

Bơh Añ rơp ai nùs kòñ nđàc nàng toh ală bơta tồi glài iơh bơsak bol khai dê, Ò kah ală tồi glài bol khai dê tai.”