Luka 18:12 - Sră Goh 2018

¹² Añ ơt sa bàr dơ̆ tòm dô poh, añ ơn dô pơnah jơt bơh jơh ală phan añ dòp geh.’

Luka 18:12 ပူးပေါင်းရင်းမြစ်များ

II Ală Bơtau 10:16

mơ đơs lah: “Tus tĕ mơ añ, sền nùs ngac ngar añ jê bơh Yàng Jehôwa.” Behơ̆, Jehu mơ khai hào hơđang rơndeh.

Esai 1:15

Tòm tŭ bol mê pò tê bol mê dê, Añ rơp cang kìng mat Añ bơh di bol mê. Bulah dilah bol mê hòi dan oă jơnau, Añ rơp ò iat. Tê bol mê dê bềng mhàm.

Malaci 3:8

“Dô nă kòn mơnus rơp sa kơñau bơh di Yàng Tom Trồ sơl ơ? Mơya bol mê kơñau bơh di Añ.” Mơya bol mê lùp lah: “Mbe bol hi sa kơñau Kơnràñ taih? Bol mê neh sa kơñau tòm ală pơnah jơt mơ tòm ală phan ơn.

Khà Làng Bol 18:24

Mơya Añ ai ală cau Lebi in ală pơnah jơt mơ ală cau Israel ơn lơh gơs phan ơn duh khoai Yàng Jehôwa in lơh gơs sre brê bol khai dê. Gen tàng Añ neh đơs bơh bol khai lah: ‘Bol khai rơp ò gơs sre brê digùl ală cau Israel.’”

Khà Làng Bol 23:4

Yàng Tom Trồ tơlik mat mơ Balaam mơ khai đơs lah: “Añ neh rcang sir poh nơm cơnòng duh khoai, mơ hơđang kòp nơm cơnòng duh khoai añ neh ơn dô nơm kơnrồ dam mơ dô nơm belàt dam.”

Mathiơ 5:20

Bơh Añ đơs mơ bol mê, dilah bơta song ring bol mê dê ò lin rlau mơ bơta song ring ală cau bơto bơta boh lam mơ ală cau Pharisi dê, gen bol mê ò gơs tŭ lơi geh mut tòm lơgar đang trồ.”

Mathiơ 6:1

“Kơrhia tĕ, tòm tŭ lơh broă niam, bañ lơh di đap cau nàng bol khai in gŏ. Dilah ò behơ̆, gen bol mê ò geh phan ƀàn lơi bơh dê Bèp bol mê ơm hơđang trồ.

Mathiơ 6:16

“Tòm tŭ bol mê ơt sa, bañ lơh bơthĭ moat jrùng be cau ma blac, bơh bol khai lơh ñòp muh ñòp mat nàng cau in git bol khai ơt sa. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:5

“Tòm tŭ bol mê hòi dan, bañ lơh be ală cau ma blac, bơh bol khai kòñ ntào hòi dan tòm ală hìu jum mơ di ală mum gùng, nàng cau in gŏ. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 9:14

Tŭ hơ̆ ală cau bơtê Jang dê tus hơ Yàng Jesu mơ đơs lah: “Ñchi bơh tài bol hi mơ ală cau Pharisi òs ơt sa, ai cau bơtê Ồng dê ò ơt sa taih?”

Luka 11:42

Mơya bòl glar bol mê in la cau Pharisi! Bơh bol mê neh ơn dô pơnah jơt biap trau, biap krồng mơ ală biap ndai, mơ sang lòi bơta song ring mơ nùs kòñ gơboh di Yàng Tom Trồ. Ală bơta do bol mê pal lơh mơ kung ò di lơi hŭi ală bơta ne sơl.

Luka 17:10

Kung behơ̆ sơl, dơ̆ bol mê neh lơh sir jơh ală broă neh sồr lơh, gen đơs tĕ lah: ‘Bol hi la cau dĭ ò kwơ, broă bol hi neh lơh mìng la broă bol hi pal lơh lơm.’”

Rôma 3:27

Behơ̆ gen bơta jòng să he bơh bơta lơi taih? Ò gơs. Bơh bơta boh lam lơi taih? Bơta boh lam broă lơh dê ơ? Ò di, mơya bơh bơta dòn.

I Kôrintô 1:29

nàng ò gơs dô nă cau lơi geh jòng să di đap Yàng Tom Trồ.

Galati 1:14

añ ntoat tơngguh tòm gùng duh khoai cau Juda dê rlau jơh mơ ală cau dô rơh dô rài bal mơ añ: Añ la cau ngac ngar rlau jơh bơh jơnau òs yau ồng pàng añ jê.

Ephesô 2:9

kung ò di bơh broă lơh ò, tồ ò gơs cau lơi jòng să.

I Timôthe 4:8

Bơh bơta bơtê lơh pràn să jan in gen gơs kwơ dô êt lơm, ai bơta duh rngòt gơs kwơ tòm jơh ală bơta, bơh neh gơs jơnau ho pơgon bơh bơta kis tòm rài do mơ tòm rài tơnơ̆ sơl.

I Samuel 15:13

Tòm tŭ Samuel neh tus hơ Sol, gen Sol đơs lah: “Dan Yàng Jehôwa ai lơngai ồng in! Añ neh lơh gơlik gơs jat ală jơnau sồr Yàng Jehôwa dê.”