Luka 17:29 - Sră Goh 2018

²⁹ mơya tòm ngai Lot lik bơh Sôdôm, gen gơs mìu ồs mơ siau bơh trồ tơnroh jơh bol khai.

Luka 17:29 ပူးပေါင်းရင်းမြစ်များ

Esai 1:9

Dilah Yàng Jehôwa Gơnap Gơnoar Dờng Làm Jơh ò lòi wơl bol he in dô êt nă cau gam kis, gen bol he rơp gơlik gơs be Sôdôm, mơ tòm toh be Gômôrơ.

Esai 13:19

Babilôn la bơta gơklŏ ală lơgar dê, bơta hòn să mơ jòng să ală cau Kalde dê, rơp tòm toh be Sôdôm mơ Gômôrơ, Tòm tŭ Yàng Tom Trồ sang tơlik bol khai.

Jeremi 50:40

Yàng Jehôwa đơs: “Be tòm tŭ Yàng Tom Trồ sơrbì Sôdôm mơ Gômôrơ mơ ală ƀòn cau ơm rềp mơ bol khai, behơ̆ rơp ò gơs dô nă cau rơp ơm tềng hơ̆, hala ò gơs dô nă kòn mơnus lơi tus ơm tềng hơ̆.

Sră Ôse 11:8

Ơ Epraim, mbe Añ rgơi sang lòi mê taih? Ơ Israel, mbe Añ rgơi jào mê tòm tê cau sò tơm taih? Mbe Añ rgơi gơwèt mơ mê kung be Atma, hala lơh mê in kung be Jebôim taih? Nùs Añ wañ lơnggơh! Nùs nđàc sơngit Añ jê kung be chu be pơrguc.

Amôs 4:11

“Añ neh tuh tơlup cau ƀà tòm bol mê, kung be Añ neh tuh tơlup Sôdôm mơ Gômôrơ. Bol mê kung be dô nơm ntê chi neh cau sơmbat tơlik bơh di ồs, bulah behơ̆ bol mê kung ò rê wơl mơ Añ.” Yàng Jehôwa đơs behơ̆.

Sôphôni 2:9

Behơ̆ tàng, Yàng Jehôwa Gơnap Gơnoar Dờng Làm Jơh, la Yàng Tom Trồ Israel dê đơs lah: “Di ngan kung be Añ kis, Môap rơp gơlik be Sôdôm, mơ cau Ammôn rơp gơlik be Gômôrơ, gơ rơp gơlik gơs dô bă tiah gơs lò hòn mơ ală trồm boh, dô bă tiah sang lòi srau gòi gam sùm sùm. Ală cau gam wơl tòm làng bol Añ jê rơp phà tòmpìt bol khai, ală cau gam kis tòm lơgar Añ jê rơp tòmpìt ù tiah gơlơh gơs sre brê.”

Luka 17:28

Mơ kung be neh gơlik gơs tòm rài Lot dê: Bol khai sa ñô, rwat tac, tùc tam, bơt bơtào,

Luka 17:30

Ngai Kòn Mơnus tus kung behơ̆ sơl.

II Pier 2:6

Dilah Kơnràñ neh lơh nền glài ƀòn dờng Sôdôm mơ Gômôrơ gơlik gơs bùh, nàng lòi krơh ală cau in ò duh rngòt tòm rài tơnơ̆.

Jude 1:7

Be Sôdôm, Gômôrơ mơ ală ƀòn dờng gùt dar kung neh jat behơ̆ mơ lơh bơta rềs àr bơrnàn mơ ting jat bơta hàm kòñ poac să dê la bơta cau ò òs lơh, gen neh kong lơh glài jàm tòm ồs gam sùm sùm, mơ lòi krơh di đap bol he.

Yal Tơlik 11:8

Ƀồc bol khai dê rơp tơmbic tòm gùng me ƀòn dờng dê, jat rùp sơnio gen sơnđan la Sôdôm mơ Ejiptơ, la tiah Yàng bol khai dê kung neh kong pơng di chi pơng.

Yal Tơlik 14:10

gen cau hơ̆ kung rơp ñô tơrnòm bơta gơjrañ dờng ò crài Yàng Tom Trồ dê mơ êt di mơngàn bơta gơjrañ Kơnràñ dê, mơ khai rơp kong jê sồt tòm ồs mơ siau di đap ală cau gơnrơh sàng goh mơ di đap Belàt Kòn.

Yal Tơlik 19:20

Phan poan jơng kòl kup bal mơ cau gơnoar hwơr ma blac la cau neh lơh ală tềl krơi di đap gơ, nàng pơrlồm ală cau neh dòp tềl phan poan jơng dê mơ ală cau duh khoai rùp gơ; bàr nă bol khai gam kis mơ kong sơrbì tòm brong ồs hơng mơ siau.