Luka 17:26 - Sră Goh 2018

²⁶ Tòm ngai Nôe neh gơlik gơs be lơi, gen tòm ngai Kòn Mơnus kung rơp gơlik behơ̆ sơl.

Luka 17:26 ပူးပေါင်းရင်းမြစ်များ

Sơnròp Gơlik Gơs 6:5

Yàng Jehôwa gŏ bơta iơh bơsak kòn mơnus dê tòm ù la oă ngan, mơ ală bơta kơlôi sơnơng tòm nùs cau dê mìng la iơh sùm lơm.

Sơnròp Gơlik Gơs 6:7

Yàng Jehôwa đơs lah: “Añ rơp tơnroh bơh di ù kòn mơnus mơ Añ neh crơng gơs tus dê phan poan jơng, phan wìn nsròng, sềm hơđang trồ bơh Añ tòmgơl nùs neh crơng gơs ală jơi hơ̆.”

Sơnròp Gơlik Gơs 6:8

Mơya Nôe geh bơta nđàc di đap Yàng Jehôwa.

Esai 22:13

Mơya ngan, gơs bơta hòn chò mơ ñô sa chò hòp, sreh kơnrồ mơ tơnchơt belàt, sa poac mơ ñô tơrnòm! Bol mê đơs lah: “Bol he sa ñô tĕ, bơh ngai hìng bol he rơp chơt!”

Luka 17:22

Gen Kơnràñ đơs mơ ală cau bơtê lah: “Rơp gơs ală ngai ală bol mê kơp kòñ gŏ dô ngai Kòn Mơnus dê, mơya ò gŏ.

Luka 17:24

Be puhlèp bơh đah trồ do àng gơcrà tus hơ đah trồ ne, gen Kòn Mơnus tòm ngai Kơnràñ dê kung behơ̆ sơl.

Luka 17:27

Bol khai sa ñô, lap klau tòmbau ùr, jơl tus di ngai Nôe mut tòm ơhò mơ dà kŏ tus tơnroh jơh.

Luka 17:7

Cau lơi tòm bol mê gơs cau dĭ lòt lơòr hala ê belàt, rê bơh tòm ƀlàng, mơ sồr khai lah: ‘Tus tĕ nggui mơ sa mo, sơl ơ?’

Luka 18:8

Añ đơs mơ bol mê, Kơnràñ rơp mhar cahrña song ring bol khai in. Bulah behơ̆, tòm tŭ Kòn Mơnus tus, rơp jòi bàn bơta dòn hơđang ù sơl ơ?”

Hebrơ 11:7

Bơh bơta dòn Nôe geh Yàng yal lài bơh ală bơta òhềt gŏ, khai gơs nùs duh rngòt mơ lơh gơs dô nơm ơhò nàng dong klàs hìu nhă khai dê; bơh bơta dòn hơ̆ khai lơh nền glài dunnia, mơ khai gơlik gơs cau pơrdòn bơta song ring bơh bơta dòn.

II Pier 2:5

Dilah Kơnràñ ò pơlai dunnia yau òr, mìng sền gàr Nôe la cau bơto yal jơnau song ring bal mơ poh nă cau ndai, tòm tŭ Kơnràñ sồr dà kŏ tus tòm dunnia ò duh rngòt hơ̆.

II Pier 3:6

Kung bơh dà mơ dunnia tòm rài hơ̆ neh kong dà kŏ tơnroh.