Luka 16:25 - Sră Goh 2018

²⁵ Mơya Abraham đơs lah: ‘Ơ kòn, kah tĕ tòm tŭ gam kis, mê neh dòp geh ală bơta niam mê dê rau, ai Lasarơ neh kong ală bơta iơh; tŭ do khai ơm tềng do geh pơndòm pơniang, ai mê gen kong pơnjê pơngkồr.

Luka 16:25 ပူးပေါင်းရင်းမြစ်များ

Sră Jop 22:18

Bulah Kơnràñ neh tơmbềng hìu bol khai dê mơ ală phan niam; Mơya bơta bơyai cau iơh bơsak dê cù kìr añ in!

Đơs Crih 17:14

Ơ Yàng Jehôwa, dan ngui tê Kơnràñ dong tă añ klàs bơh di kòn mơnus, klàs bơh di kòn mơnus la cau gơs pơnah mìng tòm bơta kis tòm dunnia do; dan kơndul bol khai geh bềng ală phan Kơnràñ neh prap lòi bol khai in; dan kòn sau bol khai in kung dòp geh tơngkah tơngkañ, mơ lòi wơl ală pơnah gam tơngkah rài tơnơ̆ in.

Đơs Crih 49:11

Bơtô ƀồc bol khai la hìu ơm bol khai dê gam sùm sùm, La tiah ơm bol khai dê tòm jơh ală rài, Bulah bol khai neh gơs ù tiah tòm bol khai dê.

Đơs Crih 73:7

Să jan lơmă bol khai dê bềng bơta iơh bơsak, Nùs bol khai dê bềng lìu bơta kơlôi sơnơng blac pơrlồm.

Ñìm Rac 1:7

Tòm ală ngai jê sồt moat jrùng mơ nrah nring, Jerusalem kah wơl jơh ală phan màng mơ khai neh dòp geh tòm ngai yau òr; Tòm tŭ làng bol khai dê gơdùh tòm tê cau sò tơm, mơ ò gơs cau lơi tus dong kòl khai. Cau sò tơm sền gŏ, dơñŏ tơnhial dê bơta tơrlah tơrlơm khai dê!

Daniel 5:30

Tòm mang hơ̆, bơtau Babilôn la Belsassar kòl tơnchơt.

Mathiơ 27:63

mơ đơs lah: “Ơ ồng, bol hi kah cau blac pơrlồm do tòm tŭ gam kis đơs lah: ‘Tơnơ̆ mơ pe ngai gen Añ rơp kis wơl.’

Jơnau Niam Jat Mak 9:45

Dilah jơng mê lơh mê in gơtup tìs, koh tĕ gơ. Chan mê lut jơng mơ geh mut tòm bơta kis la niam rlau mơ gơs tơl bàr nơm jơng mơ kong sơrbì tòm brah tìng. [

Luka 16:20

Mơ gơs dô nă cau rƀah lơòi ne sơnđan la Lasarơ, bic bơdìh mpồng cau pas sơm hơ̆, să jan bềng toh kiat.

Luka 16:23

Ơm tòm lơgar làng ƀồc, cau pas sơm gơkòl pơnjê pơngkồr, tơnggòr sền, gŏ Abraham bơh ngài mơ Lasarơ ơm di gah khai.

Luka 16:26

Rlau mơ hơ̆ tai, gơs dô nơm brong jrô dờng neh gơs nền digùl bol hi mơ bol mê, tian gơs cau lơi kòñ bơh do tus hơ bol mê kung ò rgơi, hala cau bơh tềng hơ̆ lòt tus hơ bol hi kung ò rgơi sơl.’

Luka 6:24

Mơya bòl glar ngan bol mê in la cau pas sơm, bơh neh geh bơta pơndòm pơniang he dê rau!

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Broă 14:22

Lơh ală cau bơtê kơ̆ nùs, bơto pơndòm bol khai prap kơ̆ bơta dòn, mơ yal lah bol he pal kong oă bơta bòl glar gen sồng geh mut tòm lơgar Yàng Tom Trồ.

Rôma 8:7

bơh bơta kơlôi wèt poac să dê gơtòmsò mơ Yàng Tom Trồ bơh gơ ò bài dòn duh bơta boh lam Yàng Tom Trồ dê, mơ kung ò rgơi dòn duh sơl.

Yal Wơl 28:17

Bài ơn kơmbuh phe mơ kơnac kơmbuh phe bol mê dê rơp kong srat sơntơm.

Philip 3:19

Bơta lồi dut bol khai dê la bơta roh rui, yàng bol khai dê la kơndul, bơta gơklŏ bol khai dê hơ̆ la bơta ƀàssìl ƀàsso bol khai dê, bol khai mìng kơlôi bơh broă dunnia dê lơm.

I Tesalônika 3:3

tồ ò gơs dô nă cau lơi lơnggơr bơh ală bơta jê sồt bòl glar hơ̆. Bơh să tòm oh mi git lah neh lơh nền lài bol he in kong bơta hơ̆.

Hebrơ 11:25

Môise sac rwah chan kong bòl glar bal mơ làng bol Yàng Tom Trồ dê la niam rlau mơ dòp geh bơta hòn chò ing tồi glài dê.

I Jang 2:15

Bañ kòñ gơboh dunnia, kung bañ kòñ gơboh ală phan tòm dunnia sơl; dilah cau lơi kòñ gơboh dunnia, gen bơta kòñ gơboh di Yàng Bèp ò ơm tòm cau hơ̆.

Yal Tơlik 7:14

Añ đơs lah: “Ơ Kơnràñ, Kơnràñ git.” Khai đơs mơ añ lah: “Hơ̆ la ală cau lik bơh bơta rung rài dờng, neh pìh mơ lơh bò ào jrùh bol khai dê tòm mhàm Belàt Kòn dê.