Luka 16:22 - Sră Goh 2018

²² Cau rƀah lơòi hơ̆ chơt, geh cau gơnrơh cèng ơn di gah Abraham. Cau pas sơm kung chơt mơ cau cèng tơp.

Luka 16:22 ပူးပေါင်းရင်းမြစ်များ

Sră Jop 21:13

Bol khai kis tòm ală ngai bol khai dê tòm bơta pas gơs, Mơ bol khai mù tòm lơgar làng ƀồc tòm bơta ring lơngai.

Jơnau Pơnđik 14:32

Cau iơh kong tuh tơlup tòm bơta iơh bơsak he; Mơya cau song ring gam gơs tiah gơn kơnòm, bulah tòm tŭ chơt.

Cau Bơto 8:10

Gen añ neh gŏ ală cau iơh bơsak chơt mơ geh tơp, bol khai òs mut mơ lik bơh tiah sàng goh, mơ jòng ro tòm ƀòn dờng la tiah bol khai neh lơh ală bơta behơ̆. Hơ̆ kung la dô bơta roh lơm.

Esai 14:18

Jơh ală cau bơtau ală lơgar bic tòm bơta gơklŏ, kòp nă tòm bơtô is he dê.

Esai 22:16

‘Ñchi broă song ring mê gơs tềng do taih? Ñcau la gơp bơtiàn mê dê tềng do, mơ mê tò să tòm mê in dô nơm bơtô ƀồc tềng do; phàt dô nơm bơtô ƀồc tòm tiah jơnhoa, phàt mê in dô bă tiah ơm tòm pơnai lŭ taih?

Mathiơ 18:10

“Kơrhia tĕ, bañ sền òsơp di dô nă tòm ală cau dềt do, bơh Añ đơs mơ bol mê, hơđang trồ ală cau gơnrơh bol khai dê gŏ sùm mat Bèp Añ ơm hơđang trồ. [

Mathiơ 24:31

Kơnràñ rơp sồr ală cau gơnrơh Kơnràñ dê lòt uh kơlwòk ntas dờng ngan mơ pơjum ală cau geh sac rwah Kơnràñ dê bơh tòm poan đah, bơh jơng trồ do tus hơ jơng trồ ne.”

Mathiơ 8:11

Añ đơs mơ bol mê, gơs oă cau bơh đah mattơngai lik mơ đah mattơngai mut rơp tus nggui sa bal mơ Abraham, Isak mơ Jakôp tòm lơgar đang trồ.

Jơnau Niam Jat Mak 8:36

Dilah cau lơi geh jơh dunnia mơ roh hwềng soàn he, gen gơs ñchi kwơ cau hơ̆ in taih?

Luka 12:20

Mơya Yàng Tom Trồ đơs mơ cau pas sơm hơ̆ lah: ‘Ơ cau bơrngơl gơla! Tòm mang do Añ rơp tă wơl hwềng soàn mê, gen ală phan mơna mơ mê neh rcang prap lòi rơp gơrê mơ ñcau taih?’

Luka 16:21

Khai kơp kòñ gơs ală phan pìng bơh di cơnòng sào cau pas sơm dê nàng geh hòm đau, mơ kung gơs so lòt tus liap toh kiat khai dê.

Jang 1:18

Ò gơs cau lơi neh gŏ Yàng Tom Trồ, mìng Kòn Dùl ơm tòm nùs Bèp, la Bơtau sơnio bơh Bèp bol he in.

Jang 13:23

Gơs dô nă cau bơtê sơrkềng să di ntơh Yàng Jesu, hơ̆ la cau Kơnràñ kòñ gơboh.

Jang 21:20

Pier wơlke, gŏ cau bơtê Yàng Jesu kòñ gơboh jat bơh tơnơ̆, hơ̆ la cau tòm tŭ sào mho sơrkềng să di ntơh Yàng Jesu mơ đơs lah: “Ơ Yàng, ñcau la cau pơrlơ̆ dră di Kơnràñ taih?”

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

Hebrơ 2:14

Behơ̆ gen, tài bơh ală kòn sau neh gơs pơnah tòm poac mơ mhàm be lơi, gen tàng să tòm Kơnràñ kung gơs pơnah tòm poac să behơ̆ sơl, tồ kơnòm di bơta chơt mơ Kơnràñ rgơi tơnroh cau at bồ bơta chơt la cà ràk,

Jakơ 1:11

Mattơngai lik, duh trơàl, gơlơh ñhơt ro, bơkào jrùh, bơta hàng mơnĕ gơ dê roh rui jơh. Cau pas gơs kung rơp ro jrùh tòm tŭ khai gam lơh lòt tòm rài kis khai dê behơ̆ sơl.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

Yal Tơlik 14:13

Añ kơno bơh đang trồ gơs jơnau đơs lah: “Cih tĕ jơnau do: Bơh do jơl hìng nau lơngai ală cau in chơt la chơt tòm Yàng!” Yàng Hwềng đơs: “Ngan behơ̆, bơh bol khai geh rlô bơh ală broă bòl glar bol khai dê, bơh ală broă bol khai dê jat bal mơ bol khai.”