Luka 16:20 - Sră Goh 2018

²⁰ Mơ gơs dô nă cau rƀah lơòi ne sơnđan la Lasarơ, bic bơdìh mpồng cau pas sơm hơ̆, să jan bềng toh kiat.

Luka 16:20 ပူးပေါင်းရင်းမြစ်များ

Sră Jop 2:7

Behơ̆ Satan lik lòt bơh di đap Yàng Jehôwa, mơ lơh Jop in jê sồt toh sa mồr gơlik bơh kơndòl jơng tus di cồng bồ khai dê.

Đơs Crih 34:19

Cau song ring gơkòl oă bơta bòl glar kalke, Mơya Yàng Jehôwa dong tă khai bơh di jơh ală bơta hơ̆.

Đơs Crih 73:14

Tài bơh jơh ngai mho añ gơkòl tòm bơta rung rài, Kòp drim añ kong bơta lơh glài tơmàl.

Esai 1:6

Bơh kơndòl jơng jơl tus di bồ, ò gơs tiah lơi gam niam, mìng gơs tềl sồt, tềl brơp, mơ tềl sồt mhàm ur pù lơh, òhềt rañ, hala pồt sơm, hala bong mơñà nàng geh rài bơta jê sồt.

Jeremi 8:22

Tòm Galaat ò gơs kơlhô ơ? Ò gơs cau gơnoar sơnơm ơm tềng hơ̆ ơ? Behơ̆, ñchi bơh tài bơta kòp jê làng bol añ jê ò geh sơmbòi taih?

Mathiơ 26:71

Tòm tŭ khai tus hơ rơng hìu dờng, gơs dô nă cau dĭ ùr ndai gŏ khai, gen đơs mơ ală cau ơm tềng hơ̆ lah: “Cau do kung ơm bal mơ Jesu cau Nasaret sơl.”

Luka 16:19

“Gơs dô nă cau pas sơm ne soh ào gur mơ bài che dơmài lơbơn, kòp ngai ngui sa pròng preh sih sàc.

Luka 16:21

Khai kơp kòñ gơs ală phan pìng bơh di cơnòng sào cau pas sơm dê nàng geh hòm đau, mơ kung gơs so lòt tus liap toh kiat khai dê.

Jang 11:1

Gơs dô nă cau kòp jê sơnđan la Lasarơ, ơm tòm Bethani la ƀòn Mari dê, mơ bi ùr khai la Mathe.

Broă 3:2

Gơs dô nă cau gơlte bơh kơndul mè, kòp ngai cau cèng khai ơn di mpồng hìu duh khoai sơnđan la Mpồng Hàng Mơnĕ nàng kanadàn mơ ală cau mut tòm hìu duh khoai.

Jakơ 1:9

Oh mi lơi ơm tòm sèng cau dềt rhền, gen jòng să tĕ bơh bơta he geh yò tơngguh;

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

I Samuel 2:8

Kơnràñ yò tơngguh cau rƀah bơh di kơmbuh ù; Kơnràñ yò tơngguh cau siơ̆u siar bơh di gơnru bùh; Kơnràñ ơn bol khai nggui bal mơ ală kòn cau bơtau, mơ ai bol khai in pơrdòn dô nơm sơbàn màng ryŭ. Bơh ală jrong plai ù dê la bal mơ Yàng Jehôwa, Kơnràñ neh ơn lơgar dunnia hơđang gơ.