Luka 16:19 - Sră Goh 2018

¹⁹ “Gơs dô nă cau pas sơm ne soh ào gur mơ bài che dơmài lơbơn, kòp ngai ngui sa pròng preh sih sàc.

Luka 16:19 ပူးပေါင်းရင်းမြစ်များ

Este 8:15

Gen Mordike lik lòt bơh di đap cau bơtau, soh ồi ào bơtau dê dà tơlir trồ mơ dà bò, ndau dô nơm sơgơn bơtau dờng mơ màh, mơ soh dô nơm ào jrùh mơ bài che dơmài lơbơn dà gur. Mơ ƀòn dờng Susa ai jơnau driau dờng mơ hòn chò.

Jơnau Pơnđik 14:24

Sơgơn bơtau cau jak chài dê la bơta pas gơs; Ai cau lu sơnrang wan che bơka di ngko la lu sơnrang.

Jơnau Pơnđik 31:22

Khai lơh is ală ồi tơ̆; ồi ào khai mơ che brài dơmài lơbơn dà gur.

Esai 3:23

ală krơh triang muh mat, ală ồi ào mơ bài che dơmài lơbơn, ală sơgơn dềt, mơ ală chèo at tòm tê.

Ejekiel 16:13

Behơ̆, ai geh bơka să mơ màh mơ priă; ồi ào ai dê mơ bài che dơmài lơbơn, bài kas màng mơ jing bơka hàng mơnĕ. Phan sa ai dê la kơmbuh phe mi, dà lơwe mơ mơñà. Ai neh gơlik gơs hàng mơnĕ ngan, mơ gơlik gơs kung be bau ùr bơtau dê.

Ejekiel 16:49

Do la bơta tồi glài oh ùr ai dê la Sôdôm: Khai mơ ală kòn ùr khai dê pơnhừ să, jròk ñô sa, mơ ò git kơlôi bơh cau lơi; bol khai ò dong kòl ală cau rƀah lơòi mơ siơ̆u siar.

Ejekiel 27:7

Bài che dơmài lơbơn jing bơka Ejiptơ dê la bềl yàr mê dê, mơ kung ngui lơh gơs bồng bi mê dê sơl; bài dà gur dà tơlir bơh di ală tiah rò gah dàlềng Elisa lơh gơs bài kơrnìng mê dê.

Jơnau Niam Jat Mak 15:17

Bol khai tơnggòc Yàng Jesu in dô nơm ào gur, mơ tơndau di bồ Kơnràñ dô nơm sơgơn mơ lò bol khai neh tàñ,

Jơnau Niam Jat Mak 15:20

Dơ̆ bol khai neh dơñŏ tơnhial di Kơnràñ rau, gen hồ ào gur hơ̆, tơnsoh wơl ào Kơnràñ dê, mơ cèng tơlik Kơnràñ nàng pơng di chi pơng.

Luka 15:13

Dô êt ngai tơnơ̆, kòn oh khòm jơh ală phan mơna mơ lik lòt tiah ngài; tềng hơ̆ khai kơnhơl gơlềng gơlàng pròng preh jơh phan mơna khai dê.

Luka 16:1

Yàng Jesu đơs tai mơ ală cau bơtê lah: “Cau pas ne gơs dô nă cau at bồ hìu gơkòl cau yă mơ cau tòmlah: khai neh ngui pròng preh phan mơna cau tòm dê.

Luka 16:18

Cau lơi sang lòi bau ùr khai dê mơ bau mơ cau ùr ndai, gen tìs glài bơrnàn; ai cau lơi bau mơ cau ùr neh bau klau sang lòi, gen kung tìs glài bơrnàn sơl.”

Luka 16:20

Mơ gơs dô nă cau rƀah lơòi ne sơnđan la Lasarơ, bic bơdìh mpồng cau pas sơm hơ̆, să jan bềng toh kiat.

Yal Tơlik 17:4

Cau ùr hơ̆ soh phan dà gur mơ dà pơrhê, sơmpô să khai mơ màh, lŭ màng, lŭ kràng màng; tê khai at dô nơm mơngàn màh bềng ală phan ngkòr ngkàc, hơ̆ la ală bơta ƀơ̆ ƀơl bơta rềs àr bơrnàn khai dê.

Yal Tơlik 18:16

“Nđàc sơngit ngan, pơlai soh ngan ƀòn dờng ne, la ƀòn neh soh bài che dơmài lơbơn, dà gur, dà pơrhê, sơmpô să mơ màh, lŭ màng mơ lŭ kràng màng.

Yal Tơlik 18:7

Khai neh jòng is să he mơ lơh gơlềng gơlàng kàr lơi, gen lơh tĕ di khai jê sồt bòl glar mơ ñìm rac kàr hơ̆ sơl. Bơh tòm nùs khai kơlôi lah: ‘Añ nggui hơđang sơbàn bơtau ùr, añ ò di la cau ùr bơnrau, añ rơp ò gơs tŭ lơi gŏ bơta ñìm rac ò.’

Ală Kwang Cahrña 8:26

Ală bơno mơ màh Gideôn neh dan hơ̆ kơr gơs dô rbô poh rhiang sieklơ màh, ò kòp ală phan bơka să, phan wan dê ngko, mơ ồi ào dà gur mơ ală cau bơtau Midian òs soh, bal mơ ală grồng yồng di ngko làkđa bol khai dê.