Luka 16:16 - Sră Goh 2018

¹⁶ Gơs bơta boh lam mơ ală jơnau cau gơnoar hwơr jơl tus di Jang; gen bơh tŭ hơ̆ Jơnau Niam lơgar Yàng Tom Trồ dê geh bơto yal, mơ kòp nă cau pơnđơl jơh pràn mut tòm hơ̆.

Luka 16:16 ပူးပေါင်းရင်းမြစ်များ

Mathiơ 10:7

Tòm tŭ lòt, bơto yal lah: ‘Lơgar đang trồ neh tus rềp rau.’

Mathiơ 15:11

Ò di phan mut tòm bơr lơh ƀơ̆ ƀơl cau in ò, mơya phan lik bơh di bơr cau dê sồng lơh ƀơ̆ ƀơl cau in.”

Mathiơ 21:32

Bơh Jang neh tus sơnio gùng song ring bol mê in, mơya bol mê ò dòn khai; ai ală cau dar dia mơ ală cau dri tơlàr neh dòn khai; bulah bol mê neh gŏ bơta hơ̆, mơ kung ò gơjrañ sang glài nàng dòn khai sơl.”

Mathiơ 3:2

“Gơjrañ sang glài tĕ, bơh lơgar đang trồ neh tus rềp.”

Mathiơ 4:17

Bơh tŭ hơ̆, Yàng Jesu sơntòm bơto yal lah: “Bol mê gơjrañ sang glài tĕ, bơh lơgar đang trồ neh tus rềp.”

Mathiơ 4:23

Yàng Jesu lòt làm Galile, bơto sồr tòm ală hìu jum, bơto yal Jơnau Niam lơgar đang trồ dê, mơ sơmbòi tơl ală bơta kòp jê tòm làng bol.

Jơnau Niam Jat Mak 1:14

Tơnơ̆ mơ tŭ Jang gơkòl ơm jàm, Yàng Jesu lòt tus hơ Galile, bơto yal Jơnau Niam Yàng Tom Trồ dê,

Jơnau Niam Jat Mak 1:45

Mơya cau hơ̆ lòt mơ yal pơnro broă hơ̆ làm jơh, tian gơs Yàng Jesu ò rgơi mut tòm ƀòn dờng dô bă loh làng tai; gen tàng Kơnràñ ơm đah bơdìh tòm ală tiah ngềt ngơt, mơ cau bơh ală đah lòt tus hơ Kơnràñ.

Luka 10:11

‘Tus di thul ƀòn dờng bol mê dê gơđềt di jơng bol hi, gen bol hi kung rtuh sơl nàng lơh cơng tơrwơl di bol mê; bulah behơ̆, pal git bơta do: lơgar Yàng Tom Trồ neh tus rềp mơ bol mê.’

Luka 10:9

Kung sơmbòi tĕ cau kòp jê tềng hơ̆, mơ đơs mơ bol khai lah: ‘Lơgar Yàng Tom Trồ neh tus rềp mơ bol mê.’

Luka 16:29

Mơya Abraham đơs lah: ‘Bol khai neh gơs Môise mơ ală cau gơnoar hwơr rau; bol khai pal iat bol hơ̆.’

Luka 16:31

Abraham đơs lah: ‘Dilah bol khai ò bài iat Môise mơ ală cau gơnoar hwơr, gen bulah gơs cau kis wơl bơh bơta chơt, bol khai kung ò bài iat sơl.’”

Luka 9:2

mơ sồr bol khai lik lòt bơto yal bơh lơgar Yàng Tom Trồ, mơ sơmbòi ală cau kòp jê.

Jang 1:45

Philip bàn Nathanael gen đơs lah: “Bol hi neh tìp Bơtau mơ Môise neh cih tòm bơta boh lam, mơ ală cau gơnoar hwơr kung neh cih sơl, hơ̆ la Jesu, kòn Jôsep dê, cau Nasaret.”

Jang 11:48

Dilah bol he kư̆ lòi khai in lơh sùm behơ̆, gen jơh tơl nă rơp dòn khai, gen cau Rôma rơp lòt tòmlơh pìt tiah do bal mơ lơgar bol he dê.”

Jang 12:19

Tài bơh hơ̆, ală cau Pharisi đơs bal lah: “Bol mê gŏ sơl, bol mê ò rgơi lơh dô bơta lơi ò. Sền tĕ, jơh dunnia lòt jat khai rau!”

Broă 3:18

Mơya Yàng Tom Trồ neh ngui bơta hơ̆ nàng lơh gơlik di ngan jơnau Kơnràñ neh yal lài bơh bơr ală cau gơnoar hwơr lah Bơtau Krist Kơnràñ dê pal kong jê sồt.