Luka 15:8 - Sră Goh 2018

⁸ Hala gơs cau ùr lơi gơs jơt pet priă, dilah khai roh dô pet, mơ ò chu ồs đèng, pơs hìu, jòi nền cê jơl tus di tŭ bàn ò ơ?

Luka 15:8 ပူးပေါင်းရင်းမြစ်များ

Ejekiel 34:12

Be cau ê lòt jòi mpồl belàt khai dê, tòm tŭ bol khai neh ơm digùl ală belàt nrah nring khai dê, behơ̆ Añ rơp lòt jòi mpồl belàt Añ jê. Añ rơp dong tă bol gơ bơh di jơh ală tiah bol gơ neh lòt nrah nring tòm dô ngai gơs mhwal mơ jơngo cik.

Mathiơ 5:15

Kung ò gơs cau lơi chu đèng mơ ơn tòm thùng, mơya ơn hơđang jơng đèng, gen gơ sòl pơnđàng kòp nă cau in tòm hìu.

Luka 15:7

Kung behơ̆ sơl, Añ đơs mơ bol mê, hơđang trồ rơp hòn chò bơh dô nă cau glài gơjrañ sang glài rlau mơ sin jơt sin nă cau song ring ò càng gơjrañ sang glài.

Luka 15:9

Dơ̆ khai neh jòi bàn rau, gen khai hòi ală oh mi bơyô mơ cau gơp ƀòn tus mơ đơs lah: ‘Hòn chò tĕ bal mơ añ, bơh añ neh jòi bàn pet priă neh roh.’

Luka 19:10

Bơh Kòn Mơnus neh tus nàng jòi mơ dong klàs cau neh roh.”

Jang 10:16

Añ gam gơs ală belàt ndai ò bal mơ wàng do; Añ pal lam gơrê sơl, belàt hơ̆ rơp kơno jơnau đơs Añ jê, mơ rơp gơs mìng dô mpồl mơ dô nă cau ê lơm.

Jang 11:52

Ò di mìng bơh làng bol lơm ò, mơya kung nàng pơjum tơrgòm dô bă bal ală kòn sau Yàng Tom Trồ dê neh nrah nring.

Broă 19:19

Tòm mpồl cau neh lơh bơta juh proh kung gơs oă cau cèng ală sră pơàr bol khai dê chu di đap ƀòn lơgar; cau pơgap ală sră hơ̆ la pram jơt rbô priă.

Ephesô 2:17

Bơtau Krist neh tus nàng bơto yal Jơnau Niam bơh bơta ring lơngai cau làng bol bơdìh in, la cau ơm ngài bơh Yàng Tom Trồ, mơ cau Juda in la cau ơm rềp mơ Kơnràñ.