Luka 15:6 - Sră Goh 2018

⁶ rê tus tòm hìu rau gen hòi ală oh mi bơyô mơ cau gơp ƀòn tus mơ đơs lah: ‘Hòn chò tĕ bal mơ añ bơh añ neh jòi bàn belàt roh.’

Luka 15:6 ပူးပေါင်းရင်းမြစ်များ

Đơs Crih 119:176

Añ neh tìs nrah ò gơkrơi be belàt roh; Dan jòi cau duh broă Yàng dê, bơh añ ò hŭi bơta sồr lam Kơnràñ dê.

Luka 1:58

Gơp ƀòn jơi bơtiàn kơno Yàng neh gơs nùs kòñ nđàc dờng di mò, gen hòn chò bal mơ khai.

Luka 15:10

Kung behơ̆ sơl, Añ đơs mơ bol mê, ală cau gơnrơh Yàng Tom Trồ dê rơp hòn chò bơh dô nă cau glài gơjrañ sang glài.”

Luka 15:24

Bơh kòn añ do neh chơt mơ kis wơl, neh roh mơ geh bàn wơl.’ Chòp bol khai sơntòm sa chò hòp.

Luka 15:5

Dơ̆ neh jòi bàn rau, gen hòn chò tui gơ hơđang pơnì,

Luka 15:7

Kung behơ̆ sơl, Añ đơs mơ bol mê, hơđang trồ rơp hòn chò bơh dô nă cau glài gơjrañ sang glài rlau mơ sin jơt sin nă cau song ring ò càng gơjrañ sang glài.

Jang 15:14

Dilah bol mê lơh jat bơta Añ bơto sồr, gen bol mê la bơyô Añ jê.

Jang 3:29

Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆.

Broă 11:23

Tòm tŭ tus tềng hơ̆ mơ gŏ bơta nđàc Yàng Tom Trồ dê gen khai hòn chò, mơ bơto tơngkah jơh tơl nă cau hơ̆ kư̆ kơ̆ nùs dòn song mơ Yàng;

Broă 15:3

Behơ̆, tơnơ̆ mơ tŭ geh Hìu Jum Goh jun lòt gùng, bol khai lòt gan Phenesi mơ Samari, yal wơl bơta ală cau làng bol bơdìh rê wơl hơ Yàng Tom Trồ, lơh jơh ală cau dòn in geh hòn chò oă ngan.

Philip 1:4

kòp dơ̆ hòi dan mơ Yàng, gen añ òs hòi dan jơh ală oh mi in dô bă hòn chò,

Philip 2:17

Bulah añ pal kong tuh tơlik be phan pơdơng ñô rsìh hơđang phan ơn duh khoai mơ phan ơn bơta dòn ală oh mi dê, gen añ kung hừh nùs mơ hòn chò bal mơ jơh ală oh mi sơl.

Philip 4:1

Behơ̆ gen, ơ ală oh mi đềt mềr ngan, la bơta hòn chò mơ sơgơn bơtau añ jê, ơ cau kòñ gơboh ngan añ jê, ntào kơ̆ tĕ tòm Yàng.

I Tesalônika 2:19

bơh bơta gơn kơnòm, bơta hòn chò mơ bơta jòng să be sơgơn bơtau di đap Yàng Jesu bol he dê tòm tŭ Kơnràñ tus wơl la ñchi taih? Ò di la oh mi ò ơ?

I Pier 2:10

Bơh yau òr oh mi ò di la dô nơm làng bol, mơya tŭ do la làng bol Yàng Tom Trồ dê, lài ò geh kòñ nđàc, mơya tŭ do neh geh kòñ nđàc rau.

I Pier 2:25

Bơh oh mi kung be belàt neh lòt tìs nrah, mơya tŭ do neh rê wơl hơ Bơtau Ê Belàt mơ Bơtau sền gàr hwềng soàn oh mi dê.