Luka 15:29 - Sră Goh 2018

²⁹ Mơya khai đơs mơ bèp lah: ‘Do, añ duh broă bèp in neh oă nam rau, ò gơs tŭ lơi lơh tìs mơ gơnoar sồr bèp dê, mơya bèp ò gơs tŭ lơi ai añ in dô nơm be kòn nàng sa chò hòp bal mơ oh mi bơyô añ jê.

Luka 15:29 ပူးပေါင်းရင်းမြစ်များ

Esai 65:5

Bol khai đơs lah: “Ơm tĕ ngài, bañ tus rềp hơ añ, bơh añ la sàng goh ngan bol mê in!” Bol khai la ñhŭ tòm trồm muh Añ, la ồs sa hơng sùm jơh ngai mho.

Sacari 7:3

mơ lùp ală cau gơnoar ơn phan duh khoai tòm hìu duh khoai Yàng Jehôwa Gơnap Gơnoar Dờng Làm Jơh dê, bal mơ ală cau gơnoar hwơr lah: “Añ pal ñìm rac mơ ơt sa tòm kơnhai pram kung be añ neh lơh tòm oă sơnam neh rlau sơl ơ?”

Malaci 3:14

Bol mê neh đơs lah: ‘Duh broă Yàng Tom Trồ la ò kwơ. Ñchi bol he neh dòp geh tòm tŭ prap gàr ală bơta Kơnràñ sồr mơ cơnđòa lòt tòm bơta jê sồt moat jrùng di đap Yàng Jehôwa Gơnap Gơnoar Dờng Làm Jơh taih?

Mathiơ 20:12

mơ đơs lah: ‘Ală cau lồi dut do neh lơh broă dô jơ, mơ ồng gơwèt mơ bol khai ndròm mơ bol hi, la cau neh kong kơnjơ̆ mơ duh trơàl dô ngai mho.’

Luka 15:28

Mơya kòn klau tơnhoa gơhào gơjrañ ò bài mut tòm hìu; bèp lik mơ bơto pơndòm khai.

Luka 15:30

Mơya dơ̆ kòn bèp dê ne, la cau neh sa loan phan mơna bèp dê bal mơ ală cau ùr dri tơlàr mơ rê wơl, gen bèp bơh khai mơ lơh poac kơnrồ kòn lơmă!’

Luka 15:7

Kung behơ̆ sơl, Añ đơs mơ bol mê, hơđang trồ rơp hòn chò bơh dô nă cau glài gơjrañ sang glài rlau mơ sin jơt sin nă cau song ring ò càng gơjrañ sang glài.

Luka 17:10

Kung behơ̆ sơl, dơ̆ bol mê neh lơh sir jơh ală broă neh sồr lơh, gen đơs tĕ lah: ‘Bol hi la cau dĭ ò kwơ, broă bol hi neh lơh mìng la broă bol hi pal lơh lơm.’”

Luka 18:9

Kơnràñ đơs tai jơnau pơnyơu do mơ ală cau sơnđan is să he la song ring mơ sền òsơp di cau ndai.

Luka 19:21

bơh añ rngòt di ồng, tài bơh ồng la cau kràñ cê, dòñ phan ồng ò prap, toès phan ồng ò sih.’

Rôma 10:3

Bơh bol khai ò dòp git bơta song ring Yàng Tom Trồ ai, mơ jòi bơtào bơta song ring is he dê, gen tàng ò bài dòn duh bơta song ring Yàng Tom Trồ dê;

Rôma 3:20

Bơh ò gơs dô nă cau lơi kơnòm di broă lơh jat bơta boh lam nàng geh kòp la song ring di đap Kơnràñ, bơh bơta boh lam ai cau in git he gơs glài.

Rôma 3:27

Behơ̆ gen bơta jòng să he bơh bơta lơi taih? Ò gơs. Bơh bơta boh lam lơi taih? Bơta boh lam broă lơh dê ơ? Ò di, mơya bơh bơta dòn.

Rôma 7:9

Lài òr añ ò gơs bơta boh lam, mơ añ kis; mơya dơ̆ bơta sồr lam tus, gen tồi glài kis wơl, ai añ gen chơt;

Yal Tơlik 2:17

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh: ‘Cau lơi geh pha lin rlau, Añ rơp ai khai in mana gam pồn ndơp, mơ Añ rơp ai khai in dô nơm pơnai lŭ bò, hơđang lŭ hơ̆ gơs cih dô nơm sơnđan pa, rlau mơ cau dòp gơ gen ò gơs cau lơi git.’”

Yal Tơlik 3:17

Bơh mê đơs: ‘Añ pas gơs, añ neh pas sơm rau, ò càng phan lơi tai;’ mơya mê ò git mê la cau bòl glar, pal nđàc sơngit, rƀah lơòi, jơngo mat mơ ơm kuh lòi rồ.