Luka 15:24 - Sră Goh 2018

²⁴ Bơh kòn añ do neh chơt mơ kis wơl, neh roh mơ geh bàn wơl.’ Chòp bol khai sơntòm sa chò hòp.

Luka 15:24 ပူးပေါင်းရင်းမြစ်များ

Sơnròp Gơlik Gơs 45:28

Gen Israel đơs lah: “Di, añ git rau, Jôsep, kòn klau añ gam kis, añ rơp lòt nàng tìp mơ khai lài mơ tŭ añ chơt.”

Esai 35:10

Mơ ală cau Yàng Jehôwa neh tơwài rơp rê wơl. Bol khai mut tòm Siôn bal mơ jơnau đơs chò; bơta hòn chò gam sùm sùm rơp tơndau hơđang bồ bol khai. Bol khai rơp bềng lìu bơta chò hòp mơ hòn chò, bơta moat jrùng mơ rac ròc rơp roh thit.

Esai 66:11

Bơh bol mê rơp pô toh mơ geh hòm lai, mơ geh pơndòm pơniang bơh dà toh gơ dê; bol mê rơp hùc hòm ngan mơ chò hòp bơh bơta tơngkah tơngkañ gơ dê.

Ejekiel 34:16

‘Añ rơp jòi belàt neh roh, cèng brê wơl belàt neh tìs nrah. Añ rơp pùt belàt neh kong sồt, mơ lơh pràn wơl belàt lơbơn lơño, mơya belàt lơmă mơ pràn añ rơp tơnroh. Añ rơp ròng siam bol gơ mơ bơta song ring.’

Ejekiel 34:4

Bol mê ò lơh ală belàt lơbơn in gơs pràn wơl, ò sơmbòi ală belàt kòp jê, ò pùt ală belàt kong sồt, bol mê ò cèng brê wơl ală belàt tìs nrah; ò jòi ală belàt neh roh. Mơya, bol mê neh at bồ bol gơ dô bă iơh bơsak mơ rhung rhang.

Mathiơ 8:22

Mơya Yàng Jesu đơs lah: “Jat tĕ Añ, lòi cau chơt tơp cau chơt bol khai dê.”

Jơnau Niam Jat Mak 8:22

Yàng Jesu mơ ală cau bơtê lòt hơ Betsaida. Cau cèng tus hơ Yàng Jesu dô nă cau jơngo, rac dan mơ Kơnràñ ƀư di khai.

Luka 10:19

Do, Añ neh ai gơnap gơnoar bol mê in jă hơđang bơs mơ diang, mơ hơđang jơh ală gơnoar pràn ală cau sò tơm dê; ò gơs bơta lơi rgơi lơh iơh di bol mê ò.

Luka 15:23

Kup tĕ kơnrồ kòn lơmă nàng lơh poac. Bol he sa chò hòp lă!

Luka 15:25

Tŭ hơ̆ kòn tơnhoa ơm tòm ƀlàng rê mòr tus hìu, gen kơno ntas kơñi mơ cau tòmya,

Luka 15:32

Mơya di pal ngan sa chò hòp mơ hòn chò, bơh oh mê do neh chơt mơ kis wơl, neh roh mơ geh bàn wơl.’”

Luka 15:4

“Gơs cau lơi tòm bol mê gơs dô rhiang nơm belàt, dilah roh dô nơm, mơ khai ò lòi sin jơt sin nơm tòm ƀlàng, nàng lòt jòi nền belàt neh roh jơl tus di tŭ bàn gơ ơ?

Luka 19:10

Bơh Kòn Mơnus neh tus nàng jòi mơ dong klàs cau neh roh.”

Luka 9:60

Mơya Kơnràñ đơs lah: “Lòi tĕ cau chơt tơp cau chơt bol khai dê; ai mê lòt tĕ bơto yal bơh lơgar Yàng Tom Trồ.”

Jang 11:25

Yàng Jesu đơs lah: “Añ la bơta kis wơl mơ bơta kis; cau lơi dòn Añ gen rơp kis, bulah neh chơt rau.

Jang 5:21

Bơh Bèp lơh ală cau chơt in kis wơl be lơi, gen Kòn kung ai bơta kis cau lơi in, jat be Kòn kòñ behơ̆ sơl.

Rôma 11:15

Mơ dilah bơta sang tơlik bol khai la bơta gơtòmsòr wơl dunnia in, gen bơta dòp wơl bol khai ò di la bơta kis bơh bơta chơt ò ơ?

Rôma 12:15

Chò tĕ bal mơ cau chò, ñìm tĕ bal mơ cau ñìm.

Rôma 6:11

Behơ̆ oh mi kung kòp tĕ să he be neh chơt gơwèt hơ tồi glài, mơ kis gơwèt hơ Yàng Tom Trồ tòm Yàng Krist Jesu.

Rôma 6:13

kung bañ ơn să jan he tồi glài in, nàng lơh gơs phan ngui bơta iơh bơsak dê, mơya ơn tĕ să tòm oh mi Yàng Tom Trồ in, kung be ală cau neh chơt mơ kis wơl mơ ơn să jan he Yàng Tom Trồ in, nàng lơh gơs phan ngui bơta song ring dê.

Rôma 8:2

Bơh bơta boh lam Yàng Hwềng bơta kis dê tòm Yàng Krist Jesu neh hồ toh añ lik klàs bơh bơta boh lam tồi glài dê mơ bơta chơt.

I Kôrintô 12:26

Behơ̆, dilah dô pơnah lơi kong jê sồt, gen jơh ală pơnah ndai kong jê sồt bal mơ gơ, hala dilah dô pơnah lơi geh jòng ro, gen jơh ală pơnah ndai kung hòn chò bal mơ gơ.

Ephesô 2:1

Oh mi neh chơt tòm bơta tìs glài mơ tồi glài oh mi dê,

Ephesô 2:5

tian gơs tòm tŭ he chơt tòm ală bơta tìs glài he dê, gen Kơnràñ neh lơh bol he in kis bal mơ Bơtau Krist hơ̆ la kơnòm di bơta nđàc mơ oh mi geh dong klàs.

Ephesô 5:14

Gen tàng neh đơs lah: “Ơ cau lơhă bic ne, kah tĕ, Guh tĕ bơh digùl ală cau chơt, Gen Bơtau Krist rơp sòl pơnđàng hơđang mê.”

Kôlôse 2:13

Ai oh mi, tòm tŭ neh chơt bơh bơta tìs glài oh mi dê mơ bơh bơta ò siat gơltau poac să oh mi dê, gen Kơnràñ neh lơh oh mi in kis bal mơ Bơtau Krist, bơh Kơnràñ neh toh jơh ală bơta tìs glài bol he dê.

I Timôthe 5:6

Mơya cau ùr bơnrau lơi kòñ kơnhơl gơlềng gơlàng, gen bulah kis mơya kung be chơt.

Jude 1:12

Ală cau hơ̆ la tềl ƀơ̆ ƀơl tòm bơta pơjum sa kòñ gơboh oh mi dê, bol khai kư̆ ñô sa rui ràm khat gơboh bal mơ gơp dô bă ò rngòt, bol khai mìng siam is să he; bol khai kung be mhwal ò gơs dà, jat càl pơrdô tềng do tềng dă; kung be chi di di kơnhai plai mơya gơ ò gơs plai, bàr dơ̆ chơt, gơlừ ryas.

Yal Tơlik 3:1

“Cih tĕ cau gơnrơh Hìu Jum Goh Sardis in lah: Do la ală jơnau đơs Bơtau gơs poh Hwềng Yàng Tom Trồ dê mơ poh nơm sơmañ: ‘Añ git ală broă mê dê, mê gơs sơnđan la kis mơya la chơt.