Luka 15:17 - Sră Goh 2018

¹⁷ Tŭ hơ̆ khai kah kơlôi wơl mơ đơs is tòm nùs lah: ‘Gơs oă cau lơh ơpah bèp añ in gơs piang lă lìu làc, mơya añ do pal kong chơt jơgloh!

Luka 15:17 ပူးပေါင်းရင်းမြစ်များ

Đơs Crih 119:59

Tòm tŭ añ kơlôi sơnơng bơh ală gùng dà Yàng dê, Gen añ cơnđòa lòt jat jơnau sồr kràñ cê Kơnràñ dê.

Đơs Crih 73:20

Ơ Yàng, tòm tŭ kah rngal cau sền òsơp di bơta mpau mbe lơi, Gen tòm tŭ kah rngal Kơnràñ kung sền òsơp di bol khai behơ̆ sơl.

Cau Bơto 9:3

Do la dô bơta iơh gơlik gơs hơđơm mattơngai, hơ̆ la kòp nă cau lơh nền rài kis is ndròm bal, gen tàng nùs kòn mơnus bềng lìu bơta iơh, bơta sơnrang sơnrồng ơm tòm nùs bol khai tòm tŭ gam kis, mơ tơnơ̆ mơ tŭ bol khai rê mơ cau chơt.

Jeremi 31:19

Bơh tơnơ̆ mơ tŭ añ lòt tìs nrah, añ neh gơjrañ sang glài; Tơnơ̆ mơ tŭ añ neh git wă, añ tur di ntơh añ jê. Añ neh kong ƀàssìl ƀàsso mơ sền òsơp, Añ kong sền òsơp bơh pah rài kơnòm să añ jê.’

Ñìm Rac 1:7

Tòm ală ngai jê sồt moat jrùng mơ nrah nring, Jerusalem kah wơl jơh ală phan màng mơ khai neh dòp geh tòm ngai yau òr; Tòm tŭ làng bol khai dê gơdùh tòm tê cau sò tơm, mơ ò gơs cau lơi tus dong kòl khai. Cau sò tơm sền gŏ, dơñŏ tơnhial dê bơta tơrlah tơrlơm khai dê!

Ejekiel 18:28

Tài bơh khai kơlôi sơwì jơh ală bơta tồi glài mơ khai neh lơh mơ pơrlac ngài bơh di ală bơta hơ̆, di ngan la khai rơp kis mơ ò chơt.

Sră Ôse 2:7

Khai rơp ting jat ală cau klau khai tòmtir, ting mơya ò bàn: khai rơp jòi jat bol khai, mơ jòi ò gŏ. Gen khai rơp đơs lah: ‘Añ rơp rê wơl hơ bau klau sơnròp añ jê, bơh tŭ hơ̆ añ geh lơngai lơngò rlau mơ tŭ do.’

Luka 15:16

Khai kòñ ngan ai ngkàr khoah cau siam sur nàng sa tồ bềng kơndul, mơya cau ò ai khai in sa.

Luka 16:23

Ơm tòm lơgar làng ƀồc, cau pas sơm gơkòl pơnjê pơngkồr, tơnggòr sền, gŏ Abraham bơh ngài mơ Lasarơ ơm di gah khai.

Luka 8:35

Làng bol lik lòt nàng sền bơta pa gơlik gơs hơ̆. Dơ̆ bol khai lòt tus hơ Yàng Jesu, gŏ cau gơs ală cà pa lik hơ̆, ơm nggui di jơng Yàng Jesu, soh ồi ào, dơngoh jak niam be òs, gen rngòt rngơt ngan.

Broă 12:11

Gen Pier kah wơl mơ đơs lah: “Tŭ do añ git nền ngan Yàng neh sồr cau gơnrơh Kơnràñ dê lòt dong tă añ lik klàs bơh di tê Herôt mơ bơta kơp gơn làng bol Juda dê.”

Broă 2:37

Tòm tŭ kơno ală jơnau hơ̆ gen nùs bol khai jê sồt ngan, bol khai lùp mo Pier mơ ală cau gơnoar bơto dờng ndai lah: “Ơ oh mi, mbe bol hi pal lơh taih?”

Ephesô 5:14

Gen tàng neh đơs lah: “Ơ cau lơhă bic ne, kah tĕ, Guh tĕ bơh digùl ală cau chơt, Gen Bơtau Krist rơp sòl pơnđàng hơđang mê.”