Luka 15:13 - Sră Goh 2018

¹³ Dô êt ngai tơnơ̆, kòn oh khòm jơh ală phan mơna mơ lik lòt tiah ngài; tềng hơ̆ khai kơnhơl gơlềng gơlàng pròng preh jơh phan mơna khai dê.

Luka 15:13 ပူးပေါင်းရင်းမြစ်များ

Đơs Crih 73:27

Ngan behơ̆, ală cau ơm ngài mơ Kơnràñ gen rơp roh rui; Kơnràñ pơndut tơnlồi cau lơi ò dòn song mơ Kơnràñ.

Jơnau Pơnđik 18:9

Cau sang lòi broă lơh he dê, Kung la oh mi cau phà tơnroh dê.

Jơnau Pơnđik 21:17

Cau lơi kòñ bơta kơnhơl chò hòp ngan rơp rƀah siơ̆u siar; ai cau lơi kòñ alak mơ mơñà rơp ò tŭ lơi pas gơs.

Jơnau Pơnđik 21:20

Phan màng kư̆ gam wơl tòm hìu cau jak chài; mơya cau tùl gơla loan gơ thit.

Jơnau Pơnđik 27:8

Cau nrah nring ngài mơ tiah ơm he dê, tòm toh be sềm par tềng do tềng dă ngài bơh rsòn gơ sơl.

Jơnau Pơnđik 28:7

Cau lơi prap gàr bơta boh lam la kòn klau jak chài; ai cau lơh yô mơ cau gơlềng gơlàng lơh ƀàssìl bèp he in.

Jơnau Pơnđik 29:3

Cau kòñ gơboh bơta jak chài lơh bèp khai in chò hòp; ai cau lơh yô mơ cau ùr dri tơlàr lơh roh gơprah phan mơna he dê.

Jơnau Pơnđik 6:26

Cau rgơi ơpah ùr dri mìng dô pet piang lă lơm; Cau ùr bơrnàn lơh roh rài kis dô nă cau klau.

Esai 1:4

Ơ hơh! Lơgar lơi gơs bềng tồi glài, làng bol àñ kơnjơ̆ bơta tồi glài iơh bơsak, jơi bơtiàn lơh bơta iơh bơsak, ală kòn sau gơlềng gơlàng ne! Bol khai neh sang lòi Yàng Jehôwa, sền òsơp di Bơtau Sàng Goh Israel dê, bol khai neh gơlik be cau crih mat ngan.

Esai 22:13

Mơya ngan, gơs bơta hòn chò mơ ñô sa chò hòp, sreh kơnrồ mơ tơnchơt belàt, sa poac mơ ñô tơrnòm! Bol mê đơs lah: “Bol he sa ñô tĕ, bơh ngai hìng bol he rơp chơt!”

Esai 30:11

Lik tĕ bơh gùng, pleh tĕ bơh gùng, bañ lòi bol hi iat tai bơh Bơtau Sàng Goh Israel dê!”

Esai 56:12

Bol khai đơs lah: “Tus tĕ, lòi añ ai tơrnòm! Bol he ñô bơñul tĕ mơ tơrnòm pràn! Ngai hìng kung be ngai do, mơ sơlo oă rlau tai.”

Jeremi 2:13

“Làng bol Añ neh lơh bàr bơta iơh: Bol khai neh sang lòi Añ, La hiòng dà bơta kis, Mơ tò is tơrlung dà bol khai in, ală tơrlung dà neh dàng, Ò rgơi ơn dà.

Jeremi 2:31

Ơ jơi bơtiàn bol mê! Sền nền tĕ jơnau Yàng Jehôwa đơs: Añ la dô nơm ƀlàng ngềt ngơt, hala dô bă ù tiah klam jơngo cik gơwèt hơ làng bol Israel ơ? Behơ̆ gen ñchi bơh tài làng bol Añ đơs lah: ‘Bol hi geh khat gơboh, Bol hi rơp ò tus mơ Kơnràñ tai’?

Jeremi 2:5

Yàng Jehôwa đơs be do: “Ồng pàng bol mê neh gŏ bơta lơi ò song ring tòm Añ, tàng neh lòt ngài bơh di Añ; Neh lòt jat bơta roh lơm, Mơ gơlik gơs ò kwơ să tòm bol khai in?

Mice 6:3

Ơ làng bol Añ jê, ñchi Añ neh lơh bol mê in taih? Ñchi bơta Añ neh lơh bòl glar bol mê in taih? Ho wơl tĕ Añ in!

Luka 15:12

Kòn oh đơs mơ bèp lah: ‘Ơ bèp, dan tòmpà añ in phan jơtài mơ añ rơp gơs.’ Gen cau bèp tòmpà phan jơtài bol khai in.

Luka 15:14

Dơ̆ neh ngui sa jơh hir phan jơtài rau, tòm lơgar hơ̆ gơtìp bơta jơgloh rung dờng, gen khai ò gam dô nơm phan lơi tai.

Luka 15:30

Mơya dơ̆ kòn bèp dê ne, la cau neh sa loan phan mơna bèp dê bal mơ ală cau ùr dri tơlàr mơ rê wơl, gen bèp bơh khai mơ lơh poac kơnrồ kòn lơmă!’

Luka 16:1

Yàng Jesu đơs tai mơ ală cau bơtê lah: “Cau pas ne gơs dô nă cau at bồ hìu gơkòl cau yă mơ cau tòmlah: khai neh ngui pròng preh phan mơna cau tòm dê.

Luka 16:19

“Gơs dô nă cau pas sơm ne soh ào gur mơ bài che dơmài lơbơn, kòp ngai ngui sa pròng preh sih sàc.

Ephesô 2:13

Bulah oh mi bơh lài òr la cau ơm ngài, mơya tŭ do tòm Yàng Krist Jesu oh mi neh geh cèng tus rềp, kơnòm di mhàm Bơtau Krist dê.

Ephesô 2:17

Bơtau Krist neh tus nàng bơto yal Jơnau Niam bơh bơta ring lơngai cau làng bol bơdìh in, la cau ơm ngài bơh Yàng Tom Trồ, mơ cau Juda in la cau ơm rềp mơ Kơnràñ.

II Pier 2:13

bol khai kong bòl glar jê sồt bơh broă ò song ring bol khai dê. Bol khai hừh nùs tòm bơta ñô sa kơnhơl gơlềng gơlàng tòm trồ ngai; bol khai la tềl ƀơ̆ ƀơl ngkòr ngkàc, ai lơh chò hòp tòm bơta blac pơrlồm tòm tŭ ñô sa khat gơboh bal mơ oh mi.