Luka 14:21 - Sră Goh 2018

²¹ Cau dĭ rê wơl, yal bơta hơ̆ mơ cau tòm khai dê. Cau tòm gơjrañ mơ sồr cau dĭ khai lah: ‘Lik lòt tĕ mhar tus tòm ală gùng me mơ ală gùng dềt tòm ƀòn dờng, lam ală cau rƀah lơòi, cau sồt rmàñ, cau jơngo mat, cau kwet gơlte tus hơ do.’

Luka 14:21 ပူးပေါင်းရင်းမြစ်များ

Đơs Crih 2:12

Cum tĕ kòn, rngòt khai gơhào gơjrañ, Mơ bol mê rơp roh rui tòm gùng he dê mòn; Bơh dô êt tai bơta gơjrañ dờng kòn dê rơp gơhào guh. Lơngai jơh ală cau lơi in kìng crŭ să he di Khai.

Đơs Crih 38:7

Gơlơh be ồs hơng chu pơrguc tòm but añ, Mơ poac să añ ò gơs tiah lơi gam niam.

Esai 33:23

Ală che kơt bol mê dê neh sơntă: Jrong bềl yàl ò ntào kơ̆ di tiah gơ dê, ò rgơi lì bềl yàl. Gen phan kup geh tơngkah tơngkañ rơp tòmpà; tian gơs cau kwet gơlte kung gơs pơnah tòm bơta phà kup sơl.

Esai 35:6

Tŭ hơ̆ cau kwet kơlte rơp sơnđoh be jun, lơmpiat cau kloat rơp đơs chò bơta hòn chò in. Dà rơp gơcat tòm ƀlàng ngềt ngơt, mơ ală croh dà rơp gơhòr tòm ƀlàng bràs.

Jeremi 5:1

Ntoat mơ lòt yơng tĕ làm ală gùng ƀòn dờng Jerusalem, Sền gùt dar mơ kah prap. Jòi tĕ tòm ală hìu dờng jơnum mơ sền, Dilah mê rgơi jòi bàn dô nă cau, lơh bơta song ring, jòi bơta song ngan, Gen Añ rơp toh glài Jerusalem in.

Sacari 11:11

Gơ neh kòl gơltac sang tòm ngai hơ̆; mơ ală belàt kòl cèng tac, la ală belàt neh kơp gơn Añ, bol gơ git hơ̆ la jơnau Yàng Jehôwa dê.

Sacari 11:7

Behơ̆ Añ ala mat ală belàt neh kă bro, Añ neh gơlik gơs cau ê ală belàt tòm mpồl cèng lơh poac: Gen Añ ai bàr nơm gai jra, dô nơm Añ sơnđan Bơta Nđàc mơ dô nơm la Bơta Gơs Dô Bă Bal, mơ Añ ê mpồl belàt.

Mathiơ 11:28

Ơ jơh ală cau kong bòl glar lơh broă mơ àñ kơnjơ̆, tus tĕ hơ Añ; Añ rơp ai bol mê in rlô bòl.

Mathiơ 11:5

cau jơngo geh àng, cau pă geh lòt, cau dun geh goh, cau tĭ geh klo, cau chơt geh kis wơl, cau rƀah lơòi geh kơno bơto yal Jơnau Niam.

Mathiơ 15:12

Gen ală cau bơtê tus đơs lah: “Kơnràñ git lah ală cau Pharisi kơno jơnau hơ̆ gen gơtup tìs sơl ơ?”

Mathiơ 18:31

Ală cau bơyô ndai lơh broă bal gŏ behơ̆ gen moat jrùng ngan, lòt yal mơ cau bơtau ală bơta neh gơlik hơ̆.

Mathiơ 20:7

Bol khai ho lah: ‘Tài bơh ò gơs cau ơpah bol hi.’ Cau tòm đơs mơ bol khai lah: ‘Bol mê kung mut tĕ tòm suơn ño añ jê.’

Luka 14:13

Mơya tòm tŭ mê yò sa dờng, jà tĕ ală cau rƀah lơòi, cau sồt rmàñ, cau kwet gơlte, cau jơngo,

Luka 14:20

Cau ndai đơs lah: ‘Añ pa tòmbau, gen ò rgơi lòt tus.’

Luka 14:22

Tŭ hơ̆ mo cau dĭ yal lah: ‘Ơ cau tòm, bơta ồng neh sồr, añ neh lơh sir rau, mơya gam gơs tiah.’

Luka 14:24

Bơh añ đơs mơ bol mê, tòm ală cau neh geh jà lài, ò gơs dô nă cau lơi geh liap bơta yò sa dờng añ jê.’”

Luka 24:47

mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Luka 9:10

Ală cau gơnoar bơto dờng rê wơl yal mơ Yàng Jesu ală broă bol khai neh lơh. Gen Kơnràñ lam bol khai lòt is bal mơ Kơnràñ tus hơ ƀòn dờng ne sơnđan la Betsaida.

Jang 9:39

Yàng Jesu đơs lah: “Añ neh lòt tus tòm dunnia do nàng cahrña, lơh cau jơngo in gơs gŏ; ai cau gŏ, gen gơlik jơngo.”

Hebrơ 13:17

Dòn bơr tĕ ală cau tề lam oh mi mơ dòn duh bol khai, bơh bol khai drơng kơp bơh hwềng soàn oh mi dê be cau pal yal tơlik broă; nàng bol khai lơh broă hơ̆ dô bă hòn chò, ò di moat jrùng, bơh dilah moat jrùng gen ò kwơ oh mi in.

Hebrơ 2:3

mơ dilah bol he sang lòi bơta dong klàs dờng behơ̆, gen mbe bol he geh klàs taih? Sơnròp ngan, să tòm Yàng neh bơto yal bơta dong klàs hơ̆, mơ ală cau neh kơno Kơnràñ neh lơh cơng bol he in bơta hơ̆ la ngan.

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

Yal Tơlik 19:15

Gơs dô ngkơr đào sồt lik bơh di bơr Kơnràñ nàng lơh ală làng bol; Kơnràñ rơp ngui gai lòs nàng at bồ bol khai. Kơnràñ rơp jă mpal pat tơrnòm bơta gơjrañ dờng gơhào khuh ngan Yàng Tom Trồ dê, la Bơtau Gơnoar Dờng Làm Jơh.

Yal Tơlik 22:17

Yàng Hwềng mơ bau ùr pa đơs bal lah: “Tus tĕ!” Cau lơi kơno gen đơs tĕ lah: “Tus tĕ!” Cau lơi tơhìr gen tus tĕ. Cau lơi kòñ gen dòp gòi tĕ dà bơta kis.

I Samuel 2:8

Kơnràñ yò tơngguh cau rƀah bơh di kơmbuh ù; Kơnràñ yò tơngguh cau siơ̆u siar bơh di gơnru bùh; Kơnràñ ơn bol khai nggui bal mơ ală kòn cau bơtau, mơ ai bol khai in pơrdòn dô nơm sơbàn màng ryŭ. Bơh ală jrong plai ù dê la bal mơ Yàng Jehôwa, Kơnràñ neh ơn lơgar dunnia hơđang gơ.

I Samuel 25:12

Behơ̆ ală cau Dabit dê wơlke mơ rê, tŭ neh rê gen bol khai yal wơl jơh ală jơnau hơ̆.