Luka 13:33 - Sră Goh 2018

³³ Bulah behơ̆, ngai do, ngai hìng mơ ngai hìng nau Añ kư̆ pal lòt, bơh ò gơs tŭ lơi dô nă cau gơnoar hwơr kong tơnchơt di bơdìh Jerusalem.’

Luka 13:33 ပူးပေါင်းရင်းမြစ်များ

Mathiơ 20:18

“Do, bol he guh hơ Jerusalem, Kòn Mơnus rơp gơkòl bơtào tòm tê ală cau gơnoar lam bồ ơn phan duh khoai mơ ală cau bơto bơta boh lam, mơ bol khai rơp lơh nền glài tơnchơt Kơnràñ,

Mathiơ 21:11

Mpồl hơ̆ ho lah: “Hơ̆ la cau gơnoar hwơr Jesu Cau Nasaret tòm Galile.”

Luka 9:53

mơya làng bol Samari ò wă rò Kơnràñ, bơh Kơnràñ neh lơh nền lòt hơ Jerusalem.

Jang 11:54

Tài behơ̆, Yàng Jesu ò lòt dô bă loh làng digùl cau Juda tai, mơya lòt tòm kơnhwàl rềp ƀlàng ngềt ngơt, tus tòm dô nơm ƀòn sơnđan la Epraim, mơ ơm wơl tềng hơ̆ bal mơ ală cau bơtê.

Jang 11:9

Yàng Jesu ho lah: “Tòm trồ ngai ò di gơs jơt bàr jơ ò ơ? Dilah cau lơi lòt tòm trồ ngai, gen ò gơtup jơng tài bơh gŏ bơta àng dunnia do.

Jang 12:35

Yàng Jesu ho lah: “Bơta àng gam ơm digùl bol mê dô êt jŏ tai. Lòt tĕ tòm tŭ bol mê gam gơs bơta àng, rngòt bơta klam jơngo nisơna jơm gòm bol mê mòn; Cau lơi lòt tòm bơta klam jơngo gen ò git he lòt tiah lơi.

Jang 4:34

Yàng Jesu đơs lah: “Phan sa Añ jê hơ̆ la lơh jat nùs kòñ Bơtau neh sồr Añ lòt tus, mơ lơh sir broă Kơnràñ dê.

Jang 9:4

Tòm tŭ gam trồ ngai, bol he pal lơh ală broă Bơtau neh sồr Añ lòt tus, mang tus gen ò gơs cau lơi rgơi lơh broă ò.

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

Broă 13:27

Tài bơh ală làng bol mơ ală cau kwang bol khai dê ơm tòm Jerusalem, ò dòp git Yàng Jesu la Bơtau dong klàs, mơ kung ò git wă jơnau ală cau gơnoar hwơr mơ cau sền tòm kòp ngai Saƀat, bulah behơ̆ tòm tŭ lơh nền glài Yàng Jesu bol khai neh lơh jơnau gơnoar hwơr hơ̆ in gơlik di ngan.