Luka 13:29 - Sră Goh 2018

²⁹ Bơh đah mattơngai lik, đah mattơngai mut, đah đơm, đah đang bol khai rơp tus nàng nggui sa tòm lơgar Yàng Tom Trồ.

Luka 13:29 ပူးပေါင်းရင်းမြစ်များ

Sơnròp Gơlik Gơs 28:14

Jơi bơtiàn mê rơp gơs oă be thul hơđang ù. Mê rơp gơlik gơs lìu làc làm jơh tòm đah mattơngai lik, đah mattơngai mut, đah đang mơ đah đơm, mơ jơh ală hìu nhă tòm lơgar dunnia rơp kơnòm di mê mơ jơi bơtiàn mê mơ geh lơngai.

Esai 43:6

Añ rơp đơs mơ đah đang lah: ‘Tơngklàs tĕ!’ mơ đah đơm: ‘Bañ kup bol khai.’ Cèng tĕ ală kòn klau Añ jê bơh tiah ngài, mơ ală kòn ùr Añ jê bơh ală tiah lồi dut plai ù dê,

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Mathiơ 8:11

Añ đơs mơ bol mê, gơs oă cau bơh đah mattơngai lik mơ đah mattơngai mut rơp tus nggui sa bal mơ Abraham, Isak mơ Jakôp tòm lơgar đang trồ.

Jơnau Niam Jat Mak 13:27

Kơnràñ rơp sồr ală cau gơnrơh pơjum ală cau sac rwah Yàng Tom Trồ dê bơh tòm poan đah jơng trồ, bơh tiah lồi dut ù tus di tiah lồi dut trồ.”

Luka 13:30

Ngan behơ̆, gơs cau lồi dut rơp gơlik gơs cau sơnròp, cau sơnròp rơp gơlik gơs cau lồi dut.”

Broă 28:28

Behơ̆ oh mi git tĕ lah bơta dong klàs do Yàng Tom Trồ dê neh geh lòt tus hơ cau làng bol bơdìh; mơ bol khai kung rơp iat sơl.” [

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

Kôlôse 1:6

Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,