Luka 13:28 - Sră Goh 2018

²⁸ Tŭ hơ̆, bol mê gŏ Abraham, Isak mơ Jakôp bal mơ jơh ală cau gơnoar hwơr ơm tòm lơgar Yàng Tom Trồ, ai bol mê gen kong sang sơrbì hơ bơdìh; gen bol mê rơp ñìm rac mơ rkiat sề.

Luka 13:28 ပူးပေါင်းရင်းမြစ်များ

Đơs Crih 112:10

Cau iơh bơsak gŏ bơta hơ̆ gen gơhào gơjrañ; Khai rkiat sề mơ kòl roh thit; Bơta kơp kòñ cau iơh bơsak dê rơp gơlik ò kwơ.

Mathiơ 13:42

gen sơrbì tòm brong ồs, tềng hơ̆ gơs bơta ñìm rac mơ rkiat sề.

Mathiơ 13:50

gen sơrbì bol iơh bơsak hơ̆ tòm brong ồs; tềng hơ̆ gơs bơta ñìm rac mơ rkiat sề.”

Mathiơ 22:13

Gen cau bơtau sồr ală cau duh broă lah: ‘Cap tĕ tê jơng khai mơ sơrbì khai tòm tiah klam jơngo hơ bơdìh, la tiah rơp gơs ñìm rac mơ rkiat sề.’

Mathiơ 24:51

Cau tòm rơp pù tac poac khai mơ tơmut khai bal mơ cau ma blac. Tềng hơ̆ rơp gơs ñìm rac mơ rkiat sề.”

Mathiơ 25:30

Ai cau dĭ ò kwơ do, sơrbì tĕ khai hơ bơdìh tòm tiah klam jơngo, tềng hơ̆ rơp gơs ñìm rac mơ rkiat sề.’”

Luka 10:15

Ai mê, ơ Kapenaum, mê rơp geh yò tơngguh tus hơđang trồ sơl? Ngan mê pal kong tơmù tus tòm lơgar Làng Ƀồc.

Luka 14:15

Gơs dô nă cau nggui sa bal mơ Kơnràñ kơno jơnau hơ̆, gen đơs mơ Kơnràñ lah: “Lơngai cau lơi in geh sa piang lă tòm lơgar Yàng Tom Trồ!”

Luka 16:23

Ơm tòm lơgar làng ƀồc, cau pas sơm gơkòl pơnjê pơngkồr, tơnggòr sền, gŏ Abraham bơh ngài mơ Lasarơ ơm di gah khai.

II Tesalônika 1:5

Hơ̆ la cơng tàng loh làng bơh bơta cahrña song ring Yàng Tom Trồ dê, nàng oh mi in geh kòp la di pal ngan mơ lơgar Yàng Tom Trồ, kung bơh lơgar hơ̆ mơ oh mi gam kong bòl glar.

II Pier 1:11

Behơ̆ oh mi rơp geh ai mut dô bă dờng ơnàng tòm lơgar gam sùm sùm Yàng dê mơ Yàng Dong Klàs bol he dê la Yàng Jesu Krist.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.