Luka 13:27 - Sră Goh 2018

²⁷ Kơnràñ rơp ho tai lah: ‘Ơ jơh ală bol mê la cau lơh bơta iơh bơsak, Añ đơs mơ bol mê, Añ ò git bol mê bơh ntềng đah tus; lik lòt tĕ bơh di añ!’

Luka 13:27 ပူးပေါင်းရင်းမြစ်များ

Đơs Crih 1:6

Bơh Yàng Jehôwa rơp sền gàr gùng dà cau song ring dê, Mơya gùng dà cau iơh bơsak dê rơp kong roh rui.

Đơs Crih 101:8

Kòp drim añ rơp tơnroh jơh ală cau iơh bơsak tòm lơgar, Mơ tơnroh jơh ală cau lơh iơh bơsak bơh di ƀòn dờng Yàng Jehôwa dê.

Đơs Crih 119:115

Ơ ală cau lơh iơh bơsak, lòt ngài tĕ bơh di añ, Nàng añ in prap gàr bơta sồr lam Yàng Tom Trồ añ jê,

Đơs Crih 125:5

Ai ală cau lòt jat gùng rkwet rkwe, Gen Yàng Jehôwa rơp lam bol khai lik ngài bal mơ cau lơh bơta iơh bơsak. Dan Israel in geh bơta lơngap lơngai!

Đơs Crih 28:3

Dan bañ tă sang añ bal mơ ală cau iơh bơsak, La ală cau lơh bơta iơh bơsak; Bol khai đơs ring lơngai mơ cau gơp ƀòn he, Mơya tòm nùs gơs bơta blac pơrlồm.

Đơs Crih 5:6

Kơnràñ tơnroh ală cau đơs blac; Yàng Jehôwa sền ngkòr ngkàc di cau lơh gơtuh mhàm mơ cau blac pơrlồm.

Đơs Crih 6:8

Ơ jơh ală cau lơh bơta tồi glài iơh bơsak ne, dô tĕ ngài bơh di añ; Bơh Yàng Jehôwa neh kơno jơnau ñìm rac añ jê.

Sră Ôse 9:12

Bulah bol khai ròng siam kòn sau, Añ rơp tơnroh bol khai, jơl tus ò gam gơs dô nă lơi. Bòl glar ngan bol khai in tòm tŭ Añ lik bơh bol khai!

Mathiơ 25:12

Mơya cau tòmho lah: ‘Di ngan añ đơs mơ bol ai, añ ò git bol ai ò.’

Mathiơ 25:41

Gen Kơnràñ rơp đơs mơ ală cau ơm đah kiau lah: ‘Ơ ală cau gơkòl srat rma, lik tĕ bơh di Añ mơ mut tòm ồs gam sùm sùm, la tiah neh rcang sir cà ràk in mơ ală cau gơnrơh gơ dê.

Luka 13:25

Dơ̆ cau tòm hìu guh mơ til mpồng rau, bol mê ntào đah bơdìh, teh mơ hòi lah: ‘Ơ Yàng, dan pò bol hi in.’ Kơnràñ rơp ho lah: ‘Añ ò git bol mê bơh ntềng đah tus.’

I Kôrintô 8:3

Mơya dilah cau lơi kòñ gơboh dê Yàng Tom Trồ, gen Kơnràñ git cau hơ̆.

Galati 4:9

Mơya tŭ do oh mi neh git Yàng Tom Trồ, hala pal đơs lah geh Yàng Tom Trồ git oh mi, gen mbe oh mi rê wơl hơ bơta ƀă liă lơbơn lơño ò kwơ hơ̆? Mơ ñchi bơh tài kòñ lơh dĭ gơ in tai taih?

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”