Luka 13:19 - Sră Goh 2018

¹⁹ Lơgar hơ̆ pơndròm be dô gar sơbê mơ cau ne ai sih tòm suơn khai dê: gơhòn, gơlik dô đòm chi dờng, ală sềm ơm hơđang ntê gơ.”

Luka 13:19 ပူးပေါင်းရင်းမြစ်များ

Đơs Chò 4:12

Oh ùr añ, bau ùr añ la suơn til kơ̆, la tồ dà kal wơl, la croh dà sềt kơ̆.

Đơs Chò 4:16

Ơ càl đah đang, guh tĕ, ơ càl đah đơm, khồm tĕ; khồm tĕ tòm suơn añ, tồ ală ƀô bơlhu gơ par lik! Lòi tĕ cau kòñ gơboh añ mut tòm suơn khai, mơ sa ală plai bơkah lơngồt khai dê!

Đơs Chò 6:2

Cau kòñ gơboh añ lòt tus tòm suơn khai dê, tòm tiah tam bơkào ƀô, nàng ai mpồl sa ñhơt tòm suơn, mơ pic bơkào gun.

Đơs Chò 8:13

Ơ cau ơm tòm suơn, ală bơyô neh ơn tồr iat sap ai dê! Dan ai añ in kơno sap khai!

Esai 53:1

Ñcau neh dòn ală jơnau bol he kơno? Mơ tơwòr tê Yàng Jehôwa dê neh geh ràng tơlik ñcau in taih?

Esai 53:10

Bulah behơ̆, hơ̆ la nùs kòñ Yàng Jehôwa dê mơ Kơnràñ kong pơnjê pơngkồr mơ kong jê sồt, mơ bulah Yàng Jehôwa neh lơh bơta kis Kơnràñ dê gơs phan ơn tơwài tồi glài, Kơnràñ rơp gŏ jơi bơtiàn Kơnràñ mơ rơp geh bơtơl jŏ jòng ală ngai Kơnràñ dê, mơ nùs kòñ Yàng Jehôwa dê rơp geh cồng nha niam tòm tê Kơnràñ.

Esai 58:11

Yàng Jehôwa rơp kư̆ tề lam bol mê sùm sùm; Kơnràñ lơh bol mê in hừh nùs ală bơta pal càng tòm dô nơm lơgar rañ rsơh, mơ lơh ntìng bol mê in pràn kơldang. Bol mê rơp gơlik gơs kung be dô nơm suơn geh tuh dà, be dô nơm dà croh ò gơs tŭ lơi soat.

Esai 61:11

Bơh kung be ù lơh chi che hòn, mơ dô nơm suơn lơh gar sơntìl neh sih gơ in hòn dờng, gen kung behơ̆ sơl, Yàng Jehôwa At Bồ Hơđang Jơh rơp lơh bơta song ring mơ bơta jòng ro gơtơngguh di đap jơh ală làng bol.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Jeremi 31:12

Bol khai rơp tus mơ driau chò hơđang ală tiah jơnhoa Siôn dê; bol khai rơp àng gơcrà tòm bơta lơngai niam Yàng Jehôwa dê, Bơh kòi mbo, tơrnòm pa, mơ mơñà, Ală belàt kòn mơ kơnrồ kòn; Bơta kis bol khai dê rơp be dô nơm suơn tuh dà sùm, Mơ bol khai rơp ò gam lơbơn òsô tai.

Ejekiel 31:6

Jơh ală jơi sềm par hơđang trồ lơh rsòn di ală ntê gơ, jơh ală jơi phan poan jơng tòm ƀlàng deh kòn hơđơm ală ntê gơ; jơh ală lơgar dờng ơm hơđơm mƀur gơ dê.

Daniel 4:12

Nha gơ hàng mơnĕ, plai gơ li la oă ngan, gơs tơl ală jơi in sa; ală jơi phan poan jơng tòm ƀlàng kìng crŭ tòm tiah mƀur gơ; ală sềm lơh rsòn di ntê gơ, jơh ală jơi gơs bơta kis kơnòm di gơ nàng geh ròng siam.

Daniel 4:21

nha gơ hàng mơnĕ, plai gơ oă ngan, gơs tơl ală jơi in sa, ală jơi phan poan jơng tòm ƀlàng kìng crŭ tòm tiah mƀur gơ, ală sềm lơh rsòn di ntê gơ.

Sacari 2:11

Tòm ngai hơ̆, oă làng bol rơp pơjum wơl mơ Yàng Jehôwa mơ rơp gơlik gơs làng bol Añ jê. Añ rơp ơm digùl bol mê. Mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus hơ bol mê.

Mathiơ 17:20

Kơnràñ ho lah: “Tài bơh bol mê gơs dô êt bơta dòn. Bơh di ngan Añ đơs mơ bol mê, dilah bol mê gơs bơta dòn be dô nơm gar sơbê, gen rơp đơs mơ mơnơm do lah: ‘Ñă lòt tĕ bơh tềng do tus hơ ne,’ gen gơ lòt; mơ ò gơs bơta lơi la bol mê ò rgơi lơh.” [

Jơnau Niam Jat Mak 4:30

Yàng Jesu lùp lah: “Bol he pơndròm lơgar Yàng Tom Trồ dê mơ bơta lơi hala ai jơnau pơnyơu lơi nàng yal tơlik taih?

Luka 17:6

Yàng đơs mơ bol khai lah: “Dilah bol mê gơs bơta dòn be dô gar sơbê, mơ sồr chi sơr do lah: ‘Dus tĕ să mê mơ tam tòm dàlềng,’ gen ngan gơ rơp dòn bơr bol mê.

Broă 2:41

Behơ̆ ală cau dòn jơnau hơ̆ gen gơs ƀaptem; mơ tòm ngai hơ̆ gơs pơgap pe rbô nă cau bơtơl tai tòm mpồl bol khai.

Broă 21:20

Tòm tŭ kơno rau, gen bol khai jòng ro Yàng Tom Trồ, mơ đơs mơ Pol lah: “Ơ bi, bi rgơi gŏ ò git nđò rbô nă cau Juda neh dòn jat, mơ jơh tơl nă bol khai ngac ngar ngan bơh bơta boh lam.

Broă 4:4

Bulah behơ̆, tòm ală cau iat jơnau Yàng gơs oă cau dòn, ntum cau klau gơbơtơl tus di pơgap pram rbô nă.

Rôma 15:19

bơh gơnap gơnoar tềl is mơ ală bơta krơi dê, bơh gơnap gơnoar Yàng Hwềng Goh dê; añ neh bơto yal Jơnau Niam Bơtau Krist dê làm bă tiah bơh Jerusalem mơ tòm ală ƀòn gùt dar jơl tus hơ Iliri.

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”