Luka 13:15 - Sră Goh 2018

¹⁵ Mơya Yàng ho mơ khai lah: “Ơ cau ma blac! Kòp nă tòm bol mê tòm ngai Saƀat ò di hồ kơnrồ hala alàng he dê lik bơh bòng ñhơt mơ tề gơ lòt hùc dà ò ơ?

Luka 13:15 ပူးပေါင်းရင်းမြစ်များ

Sră Jop 34:30

Gen tàng cau ò dòn duh ò di pal at bồ, hala ală cau pơt dă làng bol.

Jơnau Pơnđik 11:9

Cau ò duh rngòt ai jơnau đơs mơ lơh roh gơprah cau ơm rềp mơ khai; Mơya kơnòm di bơta git wă ală cau song ring geh dong klàs.

Esai 29:20

Cau rhung rhang ò gam jŏ jòng, cau bơrsèl tơnhial rơp dơh wơl, mơ jơh ală cau wèt sền bơta iơh rơp kong tơnroh.

Mathiơ 15:14

Lòi tĕ dò bol khai; bol khai la cau jơngo mơ lam gùng. Dilah cau jơngo lam cau jơngo, gen jơh bàr nă rơp dùh tòm trồm tơrluh.”

Mathiơ 15:7

Ơ ală cau ma blac! Esai neh đơs hwơr di ngan bơh bol mê lah:

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Mathiơ 23:28

Kung behơ̆ sơl cau sền đah bơdìh bol mê be song ring, mơya tòm dơlam bềng bơta ma blac mơ bơta tồi glài iơh bơsak.”

Mathiơ 7:5

Ơ cau ma blac, lài ngan tă tĕ ròc dra bơh di mat mê, gen sồng gŏ loh làng nàng tă thul bơh di mat oh mi mê dê.

Luka 12:1

Tòm tŭ hơ̆ mpồl làng bol pơjum bal oă, rbô rhiang nă cau, tian gơs bol khai jă jơlềt bal mơ gơp, gen sơnròp ngan Yàng Jesu sơntòm đơs mơ ală cau bơtê lah: “Kơrhia tĕ bơh kañ cau Pharisi dê, la bơta ma blac.

Luka 14:5

Kơnràñ đơs mơ bol khai lah: “Cau lơi tòm bol mê gơs kòn hala kơnrồ alàng dùh tòm tơrlung tòm ngai Saƀat mơ ò hwài tơngguh tơlik gơ mo ơ?”

Luka 6:42

Mbe mê rgơi đơs mơ oh mi mê dê lah: ‘Ơ bi, ai añ in tă thul bơh di mat bi,’ mơ să tòm mê ò gŏ ròc dra tòm mat mê ơ? Ơ cau ma blac, lài ngan tă tĕ ròc dra bơh di mat mê, gen sồng gŏ loh làng nàng tă thul bơh di mat oh mi mê dê.

Luka 7:13

Yàng gŏ cau ùr hơ̆ gen gơs nùs nđàc sơngit mơ đơs lah: “Bañ ñìm.”

Luka 7:19

Gen Jang hòi bàr nă cau bơtê khai dê sồr lòt tus hơ Yàng mơ đơs lah: “Ồng la Bơtau pal tus, hala bol hi pal gơn Bơtau ndai taih?”