Luka 12:56 - Sră Goh 2018

⁵⁶ Ơ ală cau ma blac, bol mê git sền đal bơta gơtòmgơl trồ tiah dê; mbe gơlơh ò git sền đal tŭ tơngai do taih?

Luka 12:56 ပူးပေါင်းရင်းမြစ်များ

I Yal Yau 12:32

Cau Issaka la cau git wă tŭ tơngai mơ git ñchi bơta Israel pal lơh, gơs bàr rhiang nă cau at bồ bal mơ ală cau gơp bơtiàn bol khai ơm hơđơm gơnoar at bồ bol khai dê.

Sră Age 2:7

Añ rơp lơh lơnggơr jơh ală lơgar, mơ ală phan màng jơh ală lơgar dê rơp tus tềng do, mơ Añ rơp lơh hìu do in bềng lìu bơta gơklŏ,’ Yàng Jehôwa Gơnap Gơnoar Dờng Làm Jơh đơs behơ̆.

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Mathiơ 16:3

Ai àng drim bol mê đơs lah: ‘Ngai do gơs mìu càl, bơh trồ pơrhê mơ mƀur.’ Bol mê git sền đal bơta gơtòmgơl rùp să trồ dê, mơya ò rgơi sền đal ală tềl sơnio tŭ tơngai dê.

Mathiơ 6:2

Behơ̆ tòm tŭ mê pà gòi, bañ uh kơlwòk di đap he, be ală cau ma blac lơh tòm ală hìu jum mơ tòm ală gùng me, nàng geh cau jòng ro. Di ngan Añ đơs mơ bol mê, bol khai neh geh phan ƀàn bol khai dê rau.

Galati 4:4

Mơya tòm tŭ tơngai neh tus rau, Yàng Tom Trồ sồr Kòn Kơnràñ lòt tus, lik lìng bơh dô nă cau ùr, lik lìng ơm tòm gơnoar bơta boh lam dê,